Umukinnyi Karim Benzema , umwataka w’ikipe ya Real Madrid ndetse n’igihugu cy’ubufaransa , byatangajwe ko uy’umukinnyi yamaze gutandukana n’ikipe ya Real Madrid ndetse ko azasohoka muri iy’ikipe ubwo umwaka w’imikino wa 2022/23 uzaba urangiye mu mpeshyi.
Karim Benzema akaba atandukanye n’ikipe ya Real Madrid nyuma y’imyaka 14 ayikinira nka nimero icyenda w’iyi kipe yo mu gihugu cya Esupanye , itandukana ry’uyu mukinnyi na Real Madrid rikaba ryatangajwe n’ikipe ya Real Madrid ubwayo , mu gitondo cyo kuri ik’icyumweru.
Amakuru akavugako , uy’umukinnyi atandukanye n’ikipe ya Real Madrid mugihe arimo kwitegura kwerekeza muri Saudi Arabia mw’ikipe ya Al Ittihad yamuhaye umushahara ungana na miliyoni 100 ku mwaka ubundi akaba undi mukinnyi uvuye iburayi yerekeza muri Saudi Arabia.
Karim Benzema nyuma yo kuva muri Real Madrid akarekeza muri Saudi Arabia , akaba azaba abaye umukinnyi wa gatatu werekeje muri ik’igihugu cya Saudi Arabia nyuma ya Cristiano Ronaldo werekeje mw’ikipe ya Al Nassr ndetse na Messi bivugwako azerekeza mw’ikipe ya Al Hilal.
Uy’umukinnyi Karim Benzema , akaba asohotse mw’ikipe ya Real Madrid aje akurikira abakinnyi barimo Marco Asensio werekeje mw’ikipe ya PSG , Edin Hazard , Mariano byamaze gutangazwa ko bamaze gutandukana n’iyi kipe yo mu gihugu cya Esupanye.
Karim Benzema , akaba atandukanye na Real Madrid nyuma y’imyaka 14 ayikinira aho yatwariyemo ibikombe bigera kuri 25 birimo ibikombe 5 bya UEFA Champions League , ibikombe 4 bya shampiyona ya La Liga Santander , ibikombe 5 by’igikombe cy’isi cy’amakipe ndetse n’igihembo cya Ballon Do’r aherutse kwegukana mu mwaka wa 2022.