Umunyarwandakazi wabaye nyaminga w’ubufaransa mu mwaka 2000 , Sonia Rolland Uwitonze yatangiye gukurikiranwa n’ubutabera biturutse ku nyubako nini yo guturamo ‘appartement’ yahawe nk’impano mu mwaka 2003 na Omar Bongo wahoze ari Perezida w’igihugu cya Gabon.
Sonia Rolland Uwitonze yifashijije umwunganira mu mategeko yaritabye ubutabera kuri uyu wa mbere tariki 30 Gicurasi 2022 , nyuma yo kugera imbere y’ubutabera Sonia Rolland n’umunyamategeko we bakaba barasobanuye iby’iyi nyubako yahawe na Omar Bongo.
Sonia Rolland n’umunyamategeko we bakaba barabwiye ubutabera ko iy’inyubako yayihawe nk’impano na Omar Bongo ariko akaba atarazi aho uy’umutungo yahawe na Omar Bongo wavaga , iy’inyubako ya Sonia Rolland ikaba iri ku rutonde rw’imitungo ya Omar Bongo yatangiye gukorwaho iperereza mu mwaka wa 2007.
Mu gihugu cy’ubufaransa bikaba bikekwako iy’inyubako ishobora kuba yaraguzwe mu mafaranga yanyerejwe na Omar Bongo wahoze ari Perezida w’igihugu cya Gabon , iy’inyubako ya Sonia Rolland ikaba ibarirwa agaciro ka mafaranga angana na miliyoni 900 z’amafaranga y’u Rwanda.
Sonia Rolland akaba ari umunyarwandakazi w’imyaka 41 ufite umuryango n’abana 2 , akaba yaravukiye mu mujyi wa Kigali , aba mu gihugu cy’uburundi mu mujyi wa Bujumbura akaba yarabaye nyaminga w’ubufaransa mu mwaka wa 2000.
