Urukiko rurinda iremezo ry’itegekonshinga mu gihugu cya Repabulika iharanira demokarasi ya Congo rwemeje Kandidatire y’umuherwe akaba n’umunyapolitike muri ik’igihugu cya Congo , Moise Katumbi , utavuga rumwe n’ubutegetsi bwa Perezida Felix Tshisekedi.
Kuwa kabiri , tariki 31 Ukwakira 2023 , akaba aribwo uru rukiko rurinda iremezo ry’itegekonshinga muri Repabulika iharanira demokarasi ya Congo rwemeje Kandidatire ya Moise Katumbi ndetse na Perezida Felix Tshisekedi , nyuma y’uko Kandidatire zabo zari zatambamiwe.
Kuwa mbere , tariki 30 Ukwakira 2023 , akaba aribwo inteko y’abacamanza yari yateranye nyuma y’ibirego bitambamira Kandidatire ya Moise Katumbi na Felix Tshisekedi , byari byatanzwe n’abarimo Noel Tshian na Junior Tshivuad bareze bashaka ko Kandidatire ya Moise Katumbi yaburizwamo.
Uwitwa Seth Kikuni , nawe akaba yari yatanze ikirego asabako Kandidatire ya Perezida Felix Tshisekedi yaburizwamo ngo kubera impamvu yo gukoresha amazina atandukanye gusa urukiko rurinda iremezo ry’itegekonshinga muri Congo rukaba rwaraje no kwemeza Kandidatire ya Perezida Felix Tshisekedi.
Urukiko rurinda iremezo ry’itegekonshinga muri Repabulika iharanira demokarasi ya Congo , rukaba rwaravuzeko rwakiriye ibirego byaba bose ariko ruvugako rwasanze ibirego by’abo ntashingiro bifite hafatwa umwanzuro wokweneza Kandidatire zabo bombi.
Ku itariki , 19 Ukwakira 2023 , akaba aribwo akanama k’amatora muri Repabulika iharanira demokarasi ya Congo kari kemeje urutonde rwagateganyo rw’abakandida bazahatana mu matora y’umukuru w’igihugu muri Repabulika iharanira demokarasi ya Congo ateganyijwe kuba tariki 20 Ukuboza 2023.
Kuri ubu hakaba hari abakandida 26 barimo abagore babiri (2) biteganyijwe ko bazahatana muri aya matora y’umukuru w’igihugu cya Repabulika iharanira demokarasi ya Congo muri uyu mwaka wa 2023 , aba bakandida bakaba barimo na Muganga Denis Mukwege wahawe igihembo cya Nobel muri 2018.