Umucamanza muri leta zunze ubumwe za America Arthur Engoron kuri uyu wa mbere tariki 25 ukwezi kwa Mata umwaka wa 2022 , yategetseko uwahoze ari Perezida wa leta zunze ubumwe za America bwana Donald trump azajya yishyura amande angana n’ibihumbi 10 by’amadorari ya America buri munsi kuberako yanze gutanga inyandiko zikenewe mw’iperereza akorwaho ku bucuruzi bwe akora.
Bwana trump akaba azajya abarirwa aya mande buri munsi kugeza igihe azemera gukorana n’ubushinzacyaha bukuru nkuko umucamanza mu rukiko rukuru rw’ikirenga rwa Manhattan muri leta zunze ubumwe za America yabitegetse.
Mu gihe bwana Donald trump atatanga inyandiko zikenewe n’ubushinzacyaha amande yaciwe yo akaba azakomeza kwiyongera , umushinjacyaha mukuru wa New York Letitia James yitabaje urukiko nyuma yuko igihe ntarengwa bwana Donald trump yahawe cyo kuba yatanze inyandiko ubushinjacyaha bukeneye cyo kuwa 31 Werurwe umwaka wa 2022 kirangiye atabikoze.
Umunyamatekeko wa bwana Donald trump yavuzeko azajuririra iki cyemezo urukiko rwanzuye , uyu munyamategeko wa Trump yemejeko ibyo ubushinjacyaha burega bwana Donald trump ataribyo kuko trump ibyo yagombaga gukora we yabikoze , yavuzeko batanze impapuro zigera kuri miliyoni 6 zijyanye n’imari ya Donald trump ndetse nuko yagiye amenyekanisha imisoro.
Umushinjacyaha Letitia James akaba yaratangiye gukurikirana bwana Donald trump mu mwaka wa 2019 , amushinjako mbere yo gutorerwa kuyobora igihugu cya leta zunze ubumwe za America yaba yarabeshye amabanki ingano y’umutungo we kugirango ahabwe inguzanyo cyangwa agabanyirizwe umusoro.
Source : nytimes