Minisitiri w’umutekano mu gihugu Alfred Gasana yijeje umutekano abaturage batuye mu karere ka musanze bo mu mirenge ya Kinigi , Nyange ndetse na Gahonga nyuma yuko iyi mirenge iherutse kwibasirwa n’ibisasu byarashwe n’ingabo z’igihugu cya Congo , FARDC.
Minisitiri Alfred Gasana yabwiye abaturage ba Musanze ko ibisasu biherutse kungwa mu mirenge yabo bigakomeretsa bamwe ndetse bikanangiza imitungo yabo , ari ibintu bitazongera kubaho maze avugako hashyizweho ingamba mu kubungabunga umutekano kandi ko ari ingamba zihamye.
Minisitiri Gasana akaba yarasabye abaturage kongera gusubira mu mirimo yabo bakoraga ya buri munsi ibateza imbere ndetse anabasaba kuyiko batuje kandi bumva batekanye , Minisitiri ibi akaba yarabigarutseho nyuma y’umunsi imwe mu mirenge ya Kinigi , Nyange ndetse na Gahonga harashwe ibisasu byakomotse ku mirwano ishyamiranyije M23 n’ingabo za Congo , FARDC.
Kuri uyu wa kabiri tariki 24 Gicurasi 2022 akaba aribwo minisitiri Alfred Gasana yasuye abaturage bo mu karere ka musanze aharashwe ibisasu maze ababwirako nyuma y’ibisasu byarashwe mu Rwanda , leta y’u Rwanda yihutiye kuvugana n’igihugu cya DRC kigasabwako ayo marorerwa atakongera gusubira ku butaka bw’u Rwanda.
Minisitiri w’umutekano Alfred Gasana akaba yarabwiye aba baturage ko nk’abanyarwanda bakwiye guhugira kw’iterambere ry’igihugu maze abasaba kutagira impugenge z’mutekano wabo kuko umutekano umeze neza ntakibazo gihari , abaturage bo mu karere ka musanze bakaba barancitse igikuba nyuma y’ibisasu byarashwe muri aka karere.
Minisitiri Alfred Gasana muri uru ruzinduko yagiriye muri akarere ka musanze , akaba yarihanganishije abaturage bagezweho n’ingaruka z’ibibisasu byarashwe muri aka karere ndetse anababwirako leta y’u Rwanda irikumwe nabo kandiko izabafasha kungingo badasubira inyuma mu mibereho yabo ya buri munsi.
Source : Kigali to day