Umukuru w’igihugu , Perezida Paul Kagame , ejo ku munsi wo kuwa kabiri , tariki 24 Ukwakira 2023 , nibwo yageze mu gihugu cya Saudi Arabia , I Riyadh , aho yitabiriye inama ya 7 ya Future investment initiative yiga kwishoramari ry’isi.
Iyi nama kandi akaba ari inama yitabiriye n’abandi bayobozi b’ibihugu barimo n’igikomangoma cy’ubwami bwa Saudi Arabia Prince Mohamed bin Salman doreko ku nshuro ya karindwi (7) iyi nama igiye kubaho yakiriwe n’iki gihugu cya Saudi Arabia.
Future investment initiative , ikaba ibaye mugihe mu burasirazuba bwo hagati hari amakimbirane y’intambara hagati y’igihugu cya Israel n’umutwe wa Hamas , igiye kumara hafi ibyumweru bibiri impande zombi zirasana ubudakuraho.
Abayobozi bitabiriye iyi nama kandi bikaba byitezweho ko bazanagaruka kuri aya makimbirane yadutse mu burasirazuba bwo hagati , ahanganishije igihugu cya Israel ndetse n’umutwe wa Hamas , aho hari impungenge zuko ashobora no kwadukira mu bindi bihugu.
Perezida Kagame , kuri uyu munsi wa kabiri w’iyi na ya 7 Future investment initiative , ubwo yitabiraga ikiganiro kiga kwishoramari ry’isi , akaba yavuzeko kuba abashoramari bakigenda bigurunege mu gushora imari ku mugabane wa Africa ari ikosa rikomeye bakora.