Kuri uyu wa kabiri tariki 25 Ukwakira 2022 , nibwo urubuga rwa Whatsapp rusanzwe rukoreshwa na basaga miliyari 2 kw’isi ahagana kw’isaha ya saa tatu rwavuye k’umurongo mu bice bitandukanye by’isi gusa nyuma y’amasaha abiri (2h) rwavuyeho ruza kongera gusubiraho.
Urubuga rwa Down Detector , rushinzwe kugenzera uko imbuga zo kuri internet zihagaze , rukaba rwaratangajeko abantu ibihumbi bakomeje kwinuba kuzindi mbuga , kubera ikibazo cyihagarara ry’urubuga rwa Whatsapp mu gihe cy’amasaha abiri rudakora.
Nyuma y’uko ur’urubuga rwa Whatsapp ruhagaze , abakoresha ur’urubuga bakaba barabanje kugirango ko ari ikibazo cya telephone zabo gusa nyuma gato amakuru atangira kuvugako ari ikibazo cy’urubuga rwa Whatsapp ubundi rugenzurwa n’ikigo cya Meta.
Ikigo cya Meta kikaba ntacyo kigeze gitangaza kucyaba cyateye ihagarara ry’ur’urubuga rwa Whatsapp mugihe kingana n’amasaha abiri rudakora , abarukoresha badashobora kuba bakohererezanya ubutumwa bugufi cyangwa ngo ba bwakire.
Nyuma y’uko ur’urubuga rwa Whatsapp rusubiye k’umurongo , ikigo cya Meta kigenzura ur’urubuga rwa Whatsapp kikaba cyariseguye kubakoresha ur’urubuga rwa Whatsapp ubundi kivugako ikibazo cya cyemutse ariko nticyavuga impamvu zateye icyo kibazo.
Bwana Zuckerberg nyiri kigo cya Meta kigenzura urubuga rwa Whatsapp akaba yaratangajeko abizi ko abantu bagize ibibazo mu kohererezanya ubutumwa k’urubuga rwa Whatsapp ku munsi wejo avugako ikibazo bagikemuye ndetse ko basaba imbabazi kungaruka byaba byaragize.