Mugitondo cyo kuri uyu wa gatanu tariki 16 Nzeri 2022 , nibwo Bamporiki Eduard yageze imbere y’ubutabera mu rukiko rw’isumbuye rwa Nyarugenge kugirango atangire kuburana ku cyaha akurikiranweho cyo gusaba cyangwa kwakira indonke ashinjwa.
Bamporiki Eduard wahoze ari umunyamabanga wa leta muri Minisiteri y’urubyiruko n’umuco ubwo yageraga imbere y’urukiko kugirango atangire kuburana ku cyaha akurikiranweho akaba yabwiye abacamanza ko atiteguye guhita aburana bitewe n’imbongamizi afite.
Bamporiki akaba yabwiye urukiko ko atiteguye guhita aburana bitewe nuko umwunganira mu mategeko we atigeze aboneka ndetse asobanurako kuba umunyamategeko we atabonetse byatewe nuko murugaga rw’abavoka bari bafite amatora kandi akaba yari yayitabiriye.
Nyuma y’imbogamizi Bamporiki Eduard yagaragarije urukiko , urukiko rukaba rwayise rufata umwanzuro wo gusubika uru rubanza rwe ndetse uru rubanza rwa Bamporiki Eduard rukaba rwayise rwimurirwa tariki 21 Nzeri 2022 , saa mbiri za mugitondo.
Bamporiki Eduard akaba yarahagaritswe ku mirimo ye ya minisitiri w’urubyiruko n’umuco muri Gicurasi , ubwo urwego rw’ubugenzacyaha RIB rwatangiraga ku mukoraho iperereza ku byaha yari akurikiranweho bifitanye isano na ruswa ya cyekwagwaho.