Urukiko rw’ibanze rwa gasabo , rwategetseko abagabo bafashwe bakekwaho gucuruza amahembe y’inzovu bafungwa iminsi 30 kugirango batazabangamira iperereza cyangwa bagacika ubutabera.
Aba bagabo bafashwe mu bihe bitandukanye mu kwezi gushize ku kwa cumi , urukiko rwavuzeko aba bagabo uko ari 3 rwasanze hari impamvu zikomeye zituma bakekwaho icyaha cyo guhiga , kugurisha , gukomeretsa cyangwa kwica inyamaswa.
Aba bagabo bakurikiranyweho icyaha cyo kugurisha amahembe y’inzovu , mu kwiregura mu rukiko , uwitwa Murogozi Desire uri mu barengwa yavuzeko atemera icyaha ashinjwa , yisobanura avugako uwitwa Kaburaburyo nawe uri mubarengwa yamubwiye ikibazo cy’umuntu ushakako bakorana ubucuruzi bw’amahembe y’inzovu .
Ariko akamuhakanira akubwirako akazi akora katabimwemerera gusa Desire yemereye urukiko ko yahuriye muri hoteri nuwitwa Manishimwe ari kumwe na Kaburaburyo bakamusobanurira neza ibyubwo bucuruzi bw’amahembe y’inzovu ariko ntiyabyumva neza abivamo.
Mu kwisobanura kuruhande rwa Kaburaburyo yavuzeko atemera icyaha ashinjwa yisobanura avugako nibyo yavugiye mu itangazamakuru nta ntakimwe gikwiye guhabwa agaciro kuko ntacyo yemera mubyo yarezwe , bikaba byarashimangiwe n’umwunganizi we avugako umukiriya we ataje I kigali aje gucuruza amahembe y’inzovu kuko ntakibyemeza gihari.
Aba bagabo uko ari 3 , Kaburaburyo , Murogozi Desire n’uwitwa Bagabobahimuzi , ubushinja cyaha bukaba bwaravuzeko ibyisobanuro byabo birimo ukwivuguruzanya busabako urukiko rwategekako bafungwa iminsi 30 .