Ikipe ya Dynamo BBC ikina shampiyona ya basketball mu gihugu cy’u Burundi , nyuma y’uko yirukanywe mw’irushanwa rya Basketball African League (BAL) kubera kwanga kubahiriza amabwiriza agenga irushanwa , yambara umwambaro ugaragaza umuterankunga w’irushanwa “Visit Rwanda”.
Kuri iyi nshuro , biravugwako iy’ikipe yamaze gutakaza n’umukinnyi wayo nimero ya mbere , Israel Otobo , bivugwako yamaze kumvikana n’ikipe ya APR BBC ikina shampiyona ya basketball hano mu Rwanda aho ashobora kuyerekezamo avuye muri iy’ikipe ya Dynamo BBC.
Israel Otobo , akaba yari umukinnyi ngenderwaho muri iy’ikipe ya Dynamo BBC yo mu gihugu cy’u Burundi aho yari yarabaye umukinnyi witwaye neza kurusha abandi (MVP) muri shampiyona ya basketball mu gihugu cy’u Burundi ndetse akanafasha ikipe ya Dynamo BBC kwegukana igikombe cya shampiyona.
Ubwo iy’ikipe ya Dynamo BBC yabonaga itike yo gukina irushanwa rya BAL (irushanwa rya basketball rikomeye kurusha ayandi yose ku mugabane wa Africa ) iy’ikipe nyuma yo kugera mw’irushanwa abategetsi b’i Burundi (Gitega ) bakaba barayitegetseko atagomba kwambara umwambaro ugaragaza umuterankunga w’irushanwa “Visit Rwanda”.
Ndetse , iy’ikipe ya Dynamo BBC ikaba yarabashije gukina umukino umwe gusa muri ir’irushanwa rya BAL nyuma y’uko bemeye kwambara umwambaro ugaragaza umuterankunga w’irushanwa “Visit Rwanda” ariko bagakina ba muhishe bikarangira banahiriwe bakabasha kwitwara neza muri uwo mukino.
Gusa , imikino yakurikiye iy’ikipe ya Dynamo BBC ikaba yaraje kwangirwa gukomeza gukina iyi mikino ya shampiyona ya BAL , biturutse ku mabwiriza y’ubutegetsi bw’u Burundi bwabahaye yo kutongera kwambara umwambaro ugaragaza umuterankunga w’irushanwa , Visit Rwanda.
Ikipe ya Dynamo BBC ikaba yaratewe mpanga ubundi igasezererwa mu irushanwa nyuma yo gukoresha imbaraga nyinshi kugirango babe ikipe ya mbere y’igihugu cy’u Burundi yari yitabiriye irushanwa rya Basketball African League , BAL , gusa bakabuzwa amahirwe n’ubutegetsi bw’igihugu cy’abo cy’u Burundi.
Nyuma y’ibi byose rero iy’ikipe ya Dynamo BBC ikaba ikomeje kugira agahinda gakomeye nyuma y’uko n’umukinnyi iy’ikipe yagenderagaho kizigenza wayo Israel Otobo w’imyaka 19 ukomoka muri Nigeria , yamaze kwerekeza mw’ikipe ya APR BBC nayo , yo mu Rwanda.
Ubutegetsi bw’u Burundi , buyobowe na Perezida Evariste Ndayishimiye bukaba bwariyemeje guhangana n’u Rwanda (ibidashoboka) mu buryo ubwo aribwo bwose , politike , imibereho , n’ibindi byinshi gusa muri siporo sibyari bisanzwe , gusa nyuma y’uko ubu butegetsi buvanze ibibazo byabwo bya politike na siporo bikaba byarangiye abakinnyi ba Barundi aribo babaye inzirakarengane.