Ikipe ya Liverpool yegukanye igikombe cya Carabao Cup yaherukaga mu mwaka wa 2022 , nyuma yo gutsinda ikipe ya Chelsea igitego (1-0) cyatsinzwe na kapiteni w’iyi kipe ya Liverpool , Virgil Van Dijk , cyabonetse ku munota 118′ w’umukino.
Kapiteni , Virgil Van Dijk , akaba yaboneye igitego ikipe ye ya Liverpool cyanatumye yegukana iki gikombe cya Carabao Cup , nyuma y’uko iminota 90′ yari yarangiye amakipe yombi aganya ubusa ku busa , nyuma y’uko hari ibitego byabonetse mu mukino ariko VAR ikabyanga.
Liverpool ikaba yegukanye iki gikombe cya Carabao Cup , nyuma y’uko kuri ubu ari ikipe ikomeje kwibasirwa n’imvune z’abakinnyi bayo banyingi ya mwamba bayobowe na rutayizamu w’iyi kipe Mohamed Salah wagize ikibazo k’imvune mbere gato y’uyu mukino.
Ikipe ya Liverpool ikaba yegukanye iki gikombe cya Carabao Cup mugihe igikomeje no guhatanira igikombe cya shampiyona y’ubwongereza Primier League aho kuri ubu ariyo iyoboye urutonde rwa shampiyona n’amanota 60 ndetse ikaba ihabwa amahirwe yo kwegukana iki gikombe.
Iyi kipe kandi ikaba ikiri no mu bindi bikombe birimo UEFA Europa League , FA Cup hakaba hari n’amahirwe y’uko yabyegukana , ubundi umutoza wayo Jorgen Klopp agasezera ayisigiye ibikombe nka bitatu cyangwa birenga nyuma yo gutangazako azahagarika gutoza ubwo uy’umwaka w’imikino wa 2023/24 uzaba urangiye.
