Umuhanzi Bruce Melody ndetse n’umuhanzi kazi w’umunya-Tanzania , Zuchu , bongewe mu bahanzi bazaririrmba mu gitaramo cya Move Africa Rwanda , kizabera hano mu Rwanda , tariki 6 Ukuboza 2023 , kikazitabirwa na rurangiranwa mujyana ya hip hop , Kendrick Lamar.
Tariki 6 Ukuboza 2023 , hano mu Rwanda mu nzu y’imyidagaduro ya BK Arena akaba aribwo hagateganyijwe kuba igitaramo cyizwi nka “Move Africa” gitegurwa na global citizen , ku nshuro ya mbere kikabera ku butaka bw’u Rwanda.
Move Africa Rwanda , akaba ari kimwe mu bitaramo bigiye kuzajya biba ngaruka mwaka mugihe cy’imyaka itanu hano mu Rwanda , aho tariki 6 Ukuboza 2023 , umunya-America ukomeye mu muziki wa hip hop Kendrick Lamar ariwe uzatangiza ibi bitaramo bigiye kuzajya biba ngaruka mwaka.
Umuhanzi Bruce Melody , Zuchu bakaba baje biyongera ku bandi nabo bari batangajwe ko bazagaragara kuri uru rubyiniro hamwe na Kendrick Lamar barimo umuhanzi kazi w’umunyarwanda Ariel wayz , umunyamakuru Arthur Nkusi , umuvangamiziki(DJ) Dj Toxxyk umwe mu bakomeye hano mu Rwanda.
Iki gitaramo kandi kikaba kizagaragaramo n’abandi bantu batandukanye barimo umukinnyi wa filimi Wiston Duke wamamaye muri filimi zitandukanye zirimo na filimi ya black panther uherutse no guhabwa ubwenegihugu bw’u Rwanda ndetse n’abandi batandukanye bazagaragara muri iki gitaramo.