Mu gihugu cy’u Burundi , uwahoze ari Minisitiri w’intebe w’igihugu cy’u Burundi , Gen Alain Guillaume Bunyoni , ubushinjacyaha bwamusabiye igifungo cya burundu , ku byaha akurikiranyweho birimo gushaka kwica Perezida w’igihugu , gushaka guhirika ku butegetsi Perezida w’igihugu n’ibindi byaha akurikiranyweho.
tariki 7 Ugushyingo 2023 , akaba aribwo urukiko rukuru rw’u Burundi , rwatangiye ku buranisha Gen Alain Guillaume Bunyoni wahoze ari Minisitiri w’intebe w’igihugu cy’u Burundi akurikiranyweho ibyaha icyenda (9) birimo icyaha cyo gushaka kwica Perezida w’igihugu cy’u Burundi.
Gen Alain Guillaume Bunyoni , muri uru rubanza akaba ari kumwe n’abandi bantu batandatu nabo bareganwa muri uru rubanza aho nabo ubushinjacyaha bwabasabiye igifungo cy’imyaka 30 , ni mugihe urukiko rukuru rw’u Burundi rwatangajeko umwanzuro warwo uzafatwa tariki 30 Ugushyingo 2023.
Gen Alain Guillaume Bunyoni , akaba yaratawe muri yombi n’inzego z’umutekano z’igihugu cy’u Burundi ashinjwa kuba ashaka guhirika ubutegetsi bwa Perezida w’igihugu cy’u Burundi Evariste Ndayishimiye ndetse amakuru akavuga ko yafashwe igihe yarimo ashaka gutoroka igihugu.
Kuri ubu Gen Alain Guillaume Bunyoni , akaba afungiye muri gereza nkuru y’igihugu cy’u Burundi ya Gitega , ari naho uru rubanza rurimo kubera doreko urukiko rukuru rw’u Burundi rwahinduye ikicaro cyarwo kuri ubu kikaba kibarizwa muri gereza nkuru ya Gitega aha komeje kubera uru rubanza.
Gen Alain Guillaume Bunyoni , akaba akurikiranyweho ibyaha icyenda (9) birimo gushaka guhirika ubutegetsi bwa Perezida , gushaka kwica Perezida w’igihugu , kudasobanura Inkomoko y’umutungo afite , gutuka Minisitiri w’intebe w’igihugu cy’u Burundi Gervais Ndirakobuca n’ibindi byaha akurikiranyweho.