Umuhanzi ukomoka mu gihugu cya Tanzania diamond platnumz ndetse n’umunyarwanda The Ben , ku nshuro ya mbere baririmbanye indirimbo “why” bakoranye ku rubyiniro rumwe , nyuma y’igihe kirekire iyi ndirimbo yakunzwe n’abatari bacye isohotse.
Ibi bikaba byabaye mw’ijoro rya cyeye , mu birori byari byabereye I Kigali mu Rwanda byo gutanga ibihembo bya “Trace Awards & festival 2023” byari bibereye ku nshuro ya mbere hano mu Rwanda aho byari byitabiriwe n’abantu b’ingeri zitandukanye kuri uyu mugabane wa Africa no hanze yaho.
Nyuma y’uko , ari indirimbo aba bahanzi bombi basohoye mu mwaka wa 2022 ndetse ikaza kuba indirimbo yakunzwe ku kigero cyo hejuru muri EAC Africa ndetse n’umugabane wa Africa muri rusange , bikaba ari ku nshuro ya mbere bari bahuriye kuri sitegi bayiririmba.
The Ben na diamond platinum , bakaba bahuriye ku rubyiniro rumwe nyuma y’uko umuhanzi The Ben yari yaratumiwe kuzaririmba muri ibi bihembo bya Trace Awards & festival , mugihe diamond platnumz we yari mu bahanzi babihatanira ndetse no gususurutsa ababyitabiriye.
Diamond platinum , akaba yaje no kwegukana igihembo cy’umuhanzi wahize abandi mu karere ka Africa y’iburasirazuba muri ibi bihembo bya Trace Awards & festival , aho yari ahatanye n’abandi bahanzi barimo n’umuhanzi Bruce Melody ukomoka mu Rwanda.
indirimbo “why” The Ben yakoranye n’umuhanzi diamond platinum , ukomoka muri Tanzania
