Ikipe ya Rayon Sports yari isigaye ihagarariye u Rwanda mu mikino Nyafrica nayo isezerewe muri iyi mikino nyuma y’uko itsinzwe n’ikipe ya Al Hilal Beghazi kuri penalty (4-2) , nyuma y’uko umukino wose wari warangiye amakipe yombi anganya igitego (1-1).
Kuri uyu mugoroba wo kuri uyu wa gatandatu , tariki 30 Nzeri 2023 , akaba aribwo ikipe ya Rayon Sports yari yakiriye ikipe ya Al Hilal Beghazi yo mu gihugu cya Libia mu mukino wo kwishyura mw’irushanwa rya CAF Confederation Cup.
Mu mukino wa mbere naho wari wabereye hano mu Rwanda n’ubundi kuri sitade ya Kigali Pele Stadium ukaba wari warangiye amakipe yombi , Rayon Sports na Al Hilal Beghazi , anganya igitego (1-1) aho ibitego byose byabonetse mu gice cya kabiri cy’umukino.
Ikipe ya Rayon Sports ikaba isezerewe muri CAF Confederation Cup nyuma y’uko yari yaragize amahirwe yo kwakira imikino yombi y’aba umukino ubunza yari kwakirwamo na Al Hilal Beghazi ndetse n’umukino wo kwishyura Rayon Sports yari kwakiramo Al Hilal Beghazi.
Ikipe ya Rayon Sports ndetse na APR FC zose zikaba zisezerewe mu mikino Nyafrica , zitarenze umutaru aho imwe ariyo APR FC yasezerewe muri Misiri mugihe indi ariyo Rayon Sports yasezerewe I Kigali kuri sitade ya Kigali Pele Stadium.
