Ikipe y’ingabo z’igihugu , APR FC , yari ihagarariye u Rwanda mw’irushanwa rya CAF Champions League yatsinzwe yandagajwe ibitego (6-1) n’ikipe ya Pyramids FC yo mu gihugu cya Misiri , intanirwa kugera ku ntego yari yihaye yo kugera mu matsinda yiri rushanwa rya CAF Champions League.
Ikipe ya APR FC , ikaba yanyagiwe ibi bitego n’ikipe ya Pyramids FC , nyuma y’uko APR FC yari yihagazeho mu mukino wa mbere wari wabereye kuri Kigali Pele Stadium hano mu Rwanda , amakipe yombi akabasha kunganya ubusa ku busa (0-0).
Ubwo iyi kipe ya APR FC yari igiye guhaguruka ku kibuga cy’indege cya Kigali yerekeza mu gihugu cya Misiri gukina umukino wo kwishyura n’ikipe ya Pyramids FC , ikaba yari yijeje abafana bayo ko izatahukana itsinzi ndetse ikabasha no kugera mu matsinda.
Gusa , nyuma yo kwizeza abafana bayo itsinzi mu kibuga akaba atariko byayigendekeye kuko yatsinzwe ibitego (6-1) , ibitari byitezwe n’abafana b’iyi kipe ya APR FC ndetse n’abakunzi b’umupira w’amaguru mu Rwanda muri rusange byabaye nko kubatungura.
Uyu mwaka ubuyobozi bw’ikipe ya APR FC akaba aribwo bwavuye kuri Politike yabwo yo gukinisha abana baba Nyarwanda (gukinisha abene gihugu gusa) ubundi buvugako impamvu bwavuye kuri iyi Politike aruko bushakako ikipe ya APR FC ihangana ku rwego mpuzamahanga.
Ubuyobozi , bwasobanuyeko uyu mwaka bushakako ikipe ya APR FC yahatana ku rwego mpuzamahanga ku nshuro ya mbere ikaba yabashaka kugera mu matsinda y’irushanwa rya CAF Champions League nk’intego iyi kipe yinjiranye muri uyu mwaka w’imikino wa 2023/24.
Gusa , urugendo rwa APR FC rukaba rwaje gushyirwaho akadomo nta mutaru rurarenga mu mvugo bakunze kuvuga ngo “indege ntijya izima” nyuma y’uko iyi kipe y’ingabo z’igihugu , APR FC , itsinzwe ibitego (6-1) mu mukino wo kwishyura itsindwa n’ikipe ya Pyramids FC.
APR FC , nyuma yo kuvanwa muri ir’irushanwa rya CAF Champions League ikaba izagaruka mu Rwanda ubundi igakomeza gukina shampiyona irebako yahatana ikabasha kwegukana igikombe cya shampiyona , nyuma y’uko intego yari yihaye zishyizweho akadomo zitararenga umutaru.