Urwego rw’igihugu rw’ubugenzacyaha , RIB , rwatangajeko dosiye y’uwitwa Kazungu Denis ukurikiranyweho icyaha cyo kwica abantu akabashyingura iwe mu cyobo yari yaracukuye , yamaze gushyikirizwa ubushinjacyaha kugira ngo atangire kuburanishwa.
Kazungu Denis akaba akurikiranyweho icyaha cyo kwica abakobwa ubundu akabashyingura mu cyobo yari yaracukuye iwe aho yakodeshaga muri Busanza , ni mugihe abakobwa yicaga babaga ari abakobwa batahannye abakuye mu tubari , bagatahana nkabagiye kwinezeza.
Ibi byaha akaba yarabikore mu karere Ka Kicukiro mu murenge wa Kanombe mu Kagari ka Busanza , Kazungu Denis akaba yaremereye urwego rw’igihugu rw’ubugenzacyaha , RIB , ko ariwe wishe abo bakobwa basanzwe muri icyo cyobo cyari iwe.
Akaba yaravuzeko ari abakobwa yakuraga mu tubari yabaga yagiyemo ubundi bagatahana nkabagiye kwinezeza nyuma bagera iwe akabica ariko ngo yabanje no kubiba ibintu byose babaga bafite yarangize akabashyingura muri icyo cyobo cyari iwe.
Kazungu Denis , akaba yaratawe muri yombi n’urwego rw’igihugu rw’ubugenzacyaha , RIB , nyuma ya makuru yatanzwe n’abaturage nyuma y’uko bari bagiye iwe ku musohora mu nzu doreko nyirayo yavugagako amaze igihe kinini atamwishyura ubukode bwayo.
Ubusanzwe uyu Kazungu Denis ngo akaba yari umuntu utapfa gukekwaho ubu bwicanyi ngo bitwe n’uko yari umuntu utuye ahantu hawenyine kuko abaturanyi be bari batuye nko muri metero 100 uvuye ku rugo rw’uyu Kazungu Denis.