Umukuru w’igihugu Perezida Paul Kagame , yatangije ibirori by’iserukiramuco rya “Giants of Africa Festival” rigiye kubera hano mu Rwanda aho ari iserukiramuco rigiye guhuza urubyiruko ruturutse mu bihugu 16 byo ku mugabane wa Africa.
Giants of Africa , akaba ari umushinga watangijwe na Masai Ujiri ukomoka muri Nigeria aho ari umushinga ufashana bana bakiri bato bo kuri uy’umugabane wa Africa kugaragaza impano yabo mu mukino wa basketball ndetse kuri iy’inshuro bikaba bigiye kubera mu Rwanda.
Ubwo yatangiza ibirori byiri serukiramuco rya Giants of Africa Festival , Perezida Paul Kagame akaba yabwiye urubyiruko rwa ryitabiriye ruturutse mu bihugu 16 byo kuri uy’umugabane wa Africa ko ari ibihangange kandi ko n’umugabane wa Africa ko ari igihangange.
Perezida Paul Kagame akaba yagize ati ” ndizera ko buri wese uri hano muri Arena ari igihangange , Africa ni igihangange , abanyafrica turi ibihangange ariko rero nicyo gihe , ntidukeneye kubyibutswa , tugomba kubimenya tukabyiyumvamo , tukaba ibihangange turi byo kandi dukwiye no kuba byo “
Perezida Paul Kagame kandi akaba yabwiye urubyiruko rwitabiriye iserukiramuco rya Giants of Africa ko abanyafrica ari abavandimwe kandi ko abanyafrica ari bamwe ndetse yitanzeho urugero akaba yabwiye urubyiruko rwitabiriye ir’iserukiramuco ko nabyo bishimangira uburyo abanyafrica ari bamwe.
Masai Ujiri washinze Giants of Africa , imbere y’urubyiruko rwitabiriye ir’iserukiramuco akaba yavuzeko Perezida Paul Kagame ariwe gihangange nyakuri cya Africa ubundi avugako umugabane wa Africa ufite umugisha kuba ufite umuyobozi nka Perezida Paul Kagame , ngo kuko abera benshi urugero.
Kuri ik’icyumweru , tariki 13 Kanama 2023 , iserukiramuco rya Giants of Africa akaba aribwo ryatangijwe ku mugaragaro hano mu Rwanda aho rigiye kubera , hizihizwa isabukuru y’imyaka 20 ishize Giants of Africa ishinzwe , akaba ari iserukiramuco ryitabiriwe n’uburubyiruko ruturutse mu bihugu 16 byo kuri uy’umugabane wa Africa.
