Ikipe ya Juventus yo mu gihugu cy’ubutaliyani , yatangajeko yatandukanye n’abakinnyi bayo barimo umukinnyi Leonardo Bonucci ufatwa nk’umunyabingwi w’iyi kipe ya Juventus ndetse n’abandi bakinnyi bagera kuri batatu iy’ikipe yamaze kubwirako itagishaka.
Ikipe ya Juventus , ikaba yamaze gutandukana n’abakinnyi barimo Leonardo Bonucci , Denise Zakari yari yaratije mw’ikipe ya Chelsea , Mckennie nawe wari waratijwe mw’ikipe ya Leeds United ndetse n’umukinnyi Arthur Melo wari waratijwe mw’ikipe ya Liverpool.
Ikipe ya Juventus , ikaba yaramenyesheje ab’abakinnyi uko ari bane ko batakiri abakinnyi bari mu mishinga y’iyi kipe ya Juventus , bashobora gutangira kwishakira andi makipe bakerekezamo kuko iy’ikipe itazigera ibifashisha muri gahunda zayo.
Ni mugihe ab’abakinnyi ubuyobozi bw’ikipe ya Juventus bwamaze no kubamenyeshako batazajyana n’ikipe ya Juventus yitegura gutangira imikino ya ginshuti (pre-season) muri America yitegura shampiyona y’ubutaliyani , Seria A , izatangira mu kwezi kwa munani.
Juventus na Leonardo Bonucci , bakaba batandukanye nyuma y’imyaka irenga 10 akinira iy’ikipe aho yayikiniye kuva mu mwaka wa 2010 kugeza mu mwaka 2017 , akavamo akajya mw’ikipe ya AC Milan gusa nyuma y’umwaka umwe akaba yaragarutse muri iy’ikipe ya Juventus aho kugeza na n’ubu ku myaka 36 y’amavuko yari ikiyikinira.
Iy’ikipe ya Juventus kandi hakaba hakomeje kuvugwamo abakinnyi kandi bashobora gusohokamo barimo rutayizamu w’iyi kipe Dusan Vlahovic ukomeje kwifuzwa n’amakipe arimo Chelsea na PSG ndetse n’umukinnyi w’iyi ukina mu mpande , Frederico Chiesa.