Amakipe atandukanye yo ku mugabane w’iburayi akomeje kwiyubaka arinako agura abakinnyi bagiye batandukanye mu rwego rwo kwitegura umwaka w’imikino wa 2023/24 biteganyijweko uzatanga mu kwezi gutaha kwa Kanama , 2023.
Ikipe ya Arsenal , ikaba ikomeje kwigaragaza kw’isoko ry’abakinnyi mu buryo bwo hejuru aho kuri ubu iy’ikipe ya Arsenal yamaze kugura umukinnyi w’ikipe ya Chelsea Kai Harvert , ndetse ikaba ikomeje no gushaka abandi bakinnyi barimo Decline Rice wa West Ham ndetse na Jurrien Timber w’ikipe ya Ajax.
Ikipe ya Liverpool , nyuma yo kugura umukinnyi Mac Allister imukuye mw’ikipe ya Brighton nk’umukinnyi mushya wa Liverpool , iy’ikipe ikomeje gushaka umukinnyi Dominik Szoboszlai w’ikipe ya RB Leipzig kugirango urebeko nawe yamwibikaho , nyuma y’umukinnyi Mac Allister.
Ikipe ya FC Barcelona , ikaba yaramaze gusinyisha umukinnyi Ilkay Gundogan imukuye mw’ikipe ya Manchester City ku buntu ndetse iy’ikipe ya FC Barcelona ikaba ikomeje ibiganiro n’umukinnyi wayo Osumani Dembele kugirango irebeko yamwogerera amasezerano.
Ikipe ya PSG , iy’ikipe yo mu bufaransa nayo ikaba ikomeje kwibikaho abakinnyi bagiye batandukanye aho kuri ubu yamaze gusinyisha abakinnyi benshi batandukanye barimo Lucas Hernandez yakuye mw’ikipe ya FC Bayern Munich ndetse n’umukinnyi Milan Skriniar yakuye mw’ikipe ya Inter Milan.
Ikipe ya Manchester United , nayo ikaba ikomeje urugamba rwo gusinyisha abakinnyi aho kuri ubu yamaze kumvikana n’ikipe ya Chelsea ku mukinnyi Mason Mount , iy’ikipe kandi ikaba inakomeje gushakisha umunyezamu w’ikipe ya Inter Milan Andre Onana ishobora kwishyura miliyoni 50 z’amapawundi.
Ikipe ya Chelsea , nyuma yo kugura abakinnyi 16 mw’igura n’igurisha ry’abakinnyi ryo mu mwaka w’imikino ushize kuri ubu ikaba ikomeje urugendo rwo kugurisha abo yari ifite aho kuri ubu imaze kugurisha abakinnyi bayo barimo , N’Golo Kante , Mendy , Koulibaly , Mateo Kovasic , Mason Mount , Kai Harvert , Loftus-Cheek ndetse n’abandi batandukanye bashobora gusohoka muri iy’ikipe ya Chelsea.
Gusa , iy’ikipe ya Chelsea ikaba ikomeje no kugura abandi bakinnyi aho kuri ubu yamaze gusinyisha rutayizamu Christopher Nkuku ndetse n’umukinnyi Nico Jackson yakuye mw’ikipe ya Villarreal iy’ikipe ya Chelsea kandi ikaba ikomeje no gushaka umukinnyi w’ikipe ya Brighton , Moise Caicedo.