Umukinnyi Karim Benzema , wabaye rutayizamu w’ikipe ya Real Madrid ndetse n’igihugu cy’ubufaransa kuri ubu yamaze kwerekeza mw’ikipe ya Al Ittihad yo mu gihugu cya Saudi Arabia , aho ya yisinyiye amasezerano y’imyaka itatu ahabwa umushahara ungana na miliyoni 200 ku mwaka.
Karim Benzema , akaba yerekeje mu gihugu cya Saudi Arabia mw’ikipe ya Al Ittihad nyuma y’uko bitagajweko uy’umukinnyi yamaze gutandukana n’ikipe ya Real Madrid nkuko ubuyobozi bw’iyi kipe ya Real Madrid bwa byitangarije bukoresheje imbuga nkoranyambaga zabwo.
Benzema , akaba yaratandukanye n’ikipe ya Real Madrid mugihe yari akiyifitiye amasezerano y’umwaka umwe wari usigaye ku masezerano uy’umukinnyi yarafitanye n’iyi kipe ya Real Madrid , ubuyobozi bw’iki kipe bukaba bwaramushimiye kuri serivise zagatangaza yahaye iy’ikipe ya Real Madrid mu myaka 14 yari ayimazemo
Karim Benzema akaba yerekeje muri shampiyona ya Saudi Arabia “Saudi Pro League” mugihe iyi shampiyona atariwe mukinnyi wenyine irimo gushaka kuko hakomeje kuvugwa n’abandi bakinnyi bashobora kuyerekezamo barimo Wilfried Zaha , Ngolo Kante mugihe cya vuba.
Umwaka ushize akaba aribwo shampiyona ya Saudi Arabia “Saudi Pro League” yatangiye kumenyekana ku ruhando mpuzamahanga nyuma y’uko umukinnyi Cristiano Ronaldo ufatwa nka nimero ya mbere kw’isi mu mupira w’amaguru ayerekejemo.
Ni mugihe kandi umukinnyi Lionel Messi nawe ufatwa nka nimero ya kabiri inyuma ya kizigenza Cristiano Ronaldo nawe ashobora kwerekeza muri iyi shampiyona ya Saudi Arabia , nyuma y’uko atandukanye n’ikipe ya Paris Saint-Germain atigeze agiriramo ibihe byiza na gato.