Ikipe ya Manchester City yageze ku mukino wa nyuma wirushanwa rya Champions League nyuma yo gutsinda ibitego (4-0) , ikipe ya Real Madrid ifite ik’igikombe cya Champions League inshuro zigera kuri 14 ndetse ikaba yari iherutse no kigitwara umwaka ushize wa 2022.
Ikipe ya Manchester City ikaba yinjiye mu mukino irusha ikipe ya Real Madrid , kuburyo bugaragara aho igice cya mbere cyo nyine cyarangiye ikipe ya Manchester City yamaze gutsinda ibitego (2-0) ikipe ya Real Madrid , bitsinzwe n’umukinnyi Bernardo Silva.
Igice cya kabiri amakipe yombi avuye mu karuhuko k’iminota (15min) ikipe ya Manchester City ikaba yaje kongeramo ibindi bitego (2-0) ubundi umukino wose urangira ikipe ya Real Madrid itsinzwe ibitego (4-0) , mu mikino yombi ibizwi nka aggregate (igiteranyo cy’ibitego) bikaba ibitego (5-1).
Ikipe ya Manchester City ikaba igeze ku mukino wa nyuma wirushanwa rya Champions League nyuma y’uko uy’umwaka w’imikino wa 2022/23 yasezereye ikipe nka Bayern Munich ndetse na Real Madrid zahabwaga amahirwe yo kwegukana ik’igikombe.
Ni mugihe muri uy’umwaka w’imikino kandi ikipe ya Manchester City yerekanye ko ari ikipe ishaka ik’igikombe cya Champions League itaratwara na rimwe mu mateka y’iyi kipe yo mu gihugu cy’ubwongereza kuva yashingwa ikitwa Manchester City.
Manchester City ikaba igeze ku mukino wa nyuma wirushanwa rya Champions League nyuma y’uko ya yerukagaho mu mwaka w’imikino wa 2020/21 aho yatsinzwe n’ikipe ya Chelsea igitego (1-0) ubundi ikahitwara ik’igikombe ihora inyotewe gutwara.
Manchester City muri uy’umwaka w’imikino ikaba ifite amahirwe yo kwegukana ibikombe bigera kuri bitatu harimo igikombe cya shampiyona yamaze kwegukana , igikombe cya FA Cup aho izahura n’ikipe ya Manchester United bageranye ku mukino wa nyuma ndetse n’igikombe cya Champions League.
