Ikipe ya FC Barcelona yo mu gihugu cya Esupanye yegukanye igikombe cya shampiyona ya La Liga Santander 2022/23 , nyuma y’uko itsinze ikipe bahora bahanganye ya Espanyol Barcelona ibitego (4-2) mu mukino wa shampiyona y’umunsi wa 34.
Ikipe ya FC Barcelona ikaba yegukanye ik’igikombe cya shampiyona nyuma y’uko muri uy’umwaka w’imikino yanikiriye mucyeba wayo w’ibihe byose Real Madrid aho kuri ubu hagati y’aya makipe yombi ku rutonde rwa shampiyona harimo ikinyuranyo cy’amanota agera kuri 14pts.
Barcelona ikaba yatwaye igikombe cya shampiyona ya La Liga Santander 2022/23 nyuma y’uko itsinze ikipe ya Espanyol Barcelona ibitego (4-2) , akaba ari ibitego byatsinzwe n’abakinnyi barimo kizigenza Robert Lowandowisk watsinzemo ibitego bibiri , Balde ndetse na Jules Kounde.
FC Barcelona , ikaba itwaye shampiyona ya La Liga Santander y’uyu mwaka nyuma y’uko ari ikipe yari imaze imyaka ine itazi uko bimera gutwara ik’igikombe cya shampiyona kuko ari igikombe yaherukaga mu mwaka w’imikino wa 2018/2019.
FC Barcelona kandi ikaba itwaye shampiyona ya La Liga Santander nyuma y’uko muri uy’umwaka w’imikino ari ikipe yinjijemo abakinnyi bakomeye benshi bagiye batandukanye barimo umukinnyi Robert Lowandowisk bakuye mw’ikipe ya FC Bayern Munich yo mu gihugu cy’ubudage.
Lowendowisk kandi akaba yari njiranye muri iy’ikipe ya FC Barcelona n’abandi bakinnyi barimo umukinnyi Raphinha , Marcos Alonso , Christensen , Jules Kounde , Frank Kessie ndetse n’abandi bakinnyi batandukanye binjiye muri iy’ikipe ya FC Barcelona muri uy’umwaka w’imikino.
Ikipe ya FC Barcelona ikaba itwaye igikombe cya shampiyona ya La Liga Santander 2022/23 mugihe hakibura imikino igera kuri ine ya shampiyona aho ari shampiyona biteganyijweko izasozwa muri uk’ukwezi kwa Gicurasi 2023.