Perezida Paul Kagame , yagaragaje ko abuzukuru be babiri ari abafana bashya b’ikipe ya Arsenal yo mu bwongereza nyuma yuko bisanzwe bizwiko umukuru w’igihungu ko ari umufana ukomeye w’ikipe ya Arsenal kuri ubu ikomeje guhatanira igikombe cya shampiyona.
Kuri uyu wa gatandatu , tariki 29 Mata 2023 , umukuru w’igihungu yifashishije urubuga rwa Twitter akaba yarashyizeho ifoto iriho abuzukuru be babiri bambaye imyambaro y’ikipe ya Arsenal ubundi avugako ari abafana bato bashya b’iyi kipe ya Arsenal.
Umukuru w’igihungu akaba asanzwe ari umufana ukomeye w’iyi kipe ya Arsenal ndetse mu mwaka wa 2021 akaba yaranenze imyitwarire y’iyi kipe ubwo yaririmo kwitwara nabi muri shampiyona ya Primier League , itsindwa imikino hafi ya yose yakinaga.
Nyuma yo kugaragaza ko abuzukuru be ari abafana bato bashya b’ikipe ya Arsenal , akaba ari ibintu abakoresha urubuga rwa Twitter mu Rwanda bakiriye hejuru bamwe bagaragaza ko bishimiye kwakira abafana bashya b’ikipe ya Arsenal , abandi bakagaraza ari ibintu byiza.
Gusa abandi nabo sibabuze kuvugako abo buzukuru b’umukuru w’igihugu nibamara gukura bazafana andi makipe atari Arsenal ahubwo bakifanira nka Manchester United , Chelsea ndetse abandi bavugako abo buzukuru bazababazwa n’ikipe ya Arsenal.
Muri uy’umwaka w’imikino Arsenal ikaba yarahinduye uburyo yitwaragamo mu myaka yarishe aho muri uy’umwaka w’imikino ari ikipe yatangiye imikino ihatanira igikombe cya shampiyona , Primier League , aho kugeza ubu ari iya mbere irusha amanota abiri ikipe ya Manchester City iyikurikiye ku rutonde rwa shampiyona.