Umunya-Eritrea Henok Mulubrhan ukinira ikipe ya Green Project niwe wegukanye agace ka gatatu ka Tour du Rwanda (Huye – Musanze) , ayita anambara umwenda w’umuhondo , nyuma y’uko umwongereza Ethan Vernon yari yawambaye mu duce tubiri tubanza twa Tour du Rwanda.
Stage ya 3 , akaba ariyo stage yari ndetse muri irisiganwa rya Tour du Rwanda 2023 aho yari stage igizwe n’ibirometero 199.5km , Henok Mulubrhan akaba yageze aho isiganwa rirangirira akoreshe ibihe bingana na 11:20:59 aho yageze kumurongo anganya ibihe na Lecerf William ukinira ikipe ya Soudal Quick-Step.
Umunyarwanda Nsengimana Jean Bosco , akaba yongeye kwigaragaza muri ak’agace ka gatatu ka Tour du Rwanda nk’umukinnyi mwiza uzamuka udusozi aho yongeye gusiga abandi bakinnyi ubundi agakusanya amanota yose y’umukinnyi mwiza uzamuka udusozi kurusha abandi.
Kuri ak’agace ka gatatu ka Tour du Rwanda 2023 , umunyarwanda Muhoza Eric ukinira ikipe ya Bike Aide ku nshuro ya mbere akaba yaje mu myanya 10 ya mbere kuva Tour du Rwanda 2023 yatangira akaba yaje ari kumwanya wa 9 akoreshe ibihe bingana na 11:21:10.
Henok Mulubrhan , akaba yambaye umwenda w’umuhondo nyuma y’iminsi ibiri umwongereza Ethan Vernon ukinira ikipe ya Soudal Quick-Step ariwe uwambaye nyuma y’uko yari yegukanye uduce 2 twa Tour du Rwanda tubanze aritwo , Kigali golf – Rwamagana ndetse na Kigali – Gisagara.
