Kuwa gatanu tariki 21 Ukwakira 2022 , nibwo kw’ishuri rya gisirikare rya Nasho hasojwe amasomo ya gisirikare yo kwinjiza abasirikare bashya mu kazi , mu muhango wari uyobowe n’umugaba mukuru w’ingabo z’u Rwanda zirwanira ku butaka Lt Gen Mubaraka Muganga ahagarariye umugaba mukuru w’ingabo z’u Rwanda Gen Jean Bosco Kazura.
Mw’ijambo yagejeje ku basirikare bashya b’ingabo z’u Rwanda , Lt Gen Mubaraka Muganga yasabye abasirikare bashya bagiye kwinjira mu kazi kurangwa n’ikinyabumfura gisanzwe kiranga ingabo z’u Rwanda mu kazi kabo kaburi munsi ndetse no kubungabunga indangagaciro z’ingabo z’u Rwanda zirimo no gukunda igihugu.
Lt Gen Mubaraka Muganga yashimiye abasirikare bashya binjiye mu kazi k’ingabo z’u Rwanda ku kuba barayisemo kujya muri uy’umwuga w’ingabo z’u Rwanda ubundi abasaba kuzarangwa n’ikinyabumfura kuko aricyo cyo nyine kizabafasha gukora akazi k’ingabo z’u Rwanda neza.
Mu gusoza uy’umuhango wo kwinjiza abasirikare bashya mu kazi k’ingabo z’u Rwanda , Private Byiringiro Egide akaba ariwe musirikare wabaye uwa mbere wahize abandi basirikare biteguraga kwinjira mu mwuga w’ingabo z’u Rwanda , mugihe kingana n’amezi 12 bari bamaze mu masomo mw’ishuri rya gisirikare rya Nasho.
