Minisitiri w’intebe w’igihugu cy’ubwongereza , Liz Truss , kuri uyu wa kane tariki 20 Ukwakira 2022 , yatangajeko yeguye ku mwanya wa Minisitri w’intebe w’ubwongereza nyuma y’iminsi 45 gusa atorewe kujya kuri uy’umwanya , akaba yeguye nyuma y’igitutu yashyizweho nabo mwishyaka rye ry’aba-Conservative bamusaba kwegura.
Liz Truss , akaba yeguye kuri uy’umwanya wa Minisitiri w’intebe w’igihugu cy’ubwongereza , nyuma y’uko muri Nzeri uy’umwaka wa 2022 aribwo yari yatowe kuba Minisitiri mushya w’intebe w’ubwongereza wari ugiyeho aje gusimbura bwana Boris Johnson nawe wegujwe kubera ibibazo kuri ubu byugarije iki gihugu cy’ubwongereza.
Liz Truss , mu kwegura kwe akaba yavuzeko yari yagiyeho agiye gukemura ibibazo by’izamuka ry’imisoro ndetse no kongera kuzahura ubukungu bw’igihugu cy’ubwongereza kuri ubu bwifashe nabi ariko akaba yemejeko yasanze bidashoboka akurikije imirongo migari yari yihaye mu guhangana n’ibi bibazo byugarije ubwongereza.
Abadepite bo mwishyaka ry’aba-Conservatire , Madam Liz Truss aturukamo bakaba baramusabye kwegura ku mwanya wa Minisitri w’intebe , nyuma y’uko abenshi muba Minisitiri bari bagize goverinoma ye beguye ku nshingano zabo , kubera kutumvikana kubibazo by’ubukungu byugarije iki gihugu cy’ubwongereza.
Madam Liz Truss , akaba ariwe Minisitiri w’intebe w’ubwongereza umaze igihe gito kuri uy’umwanya doreko hari hashize ibyumweru 6 atorewe kujya kuri uy’umwanya , ubu ishyaka ry’aba-Conservatire rikaba riri mwihurizo rikomeye ryo kongera kwishaka Minisitiri mushya w’intebe w’ubwongereza wa gatatu mu gihe kitageze k’umwaka.