General Muhoozi Kainerugaba , umuhungu wa Perezida Yoweri Kaguta Museveni wa Uganda , kuri ubu yageze ku butaka bw’u Rwanda aho aje mu ruzinduko rwe bwite ndetse muri uru ruzinduko akazahura n’umukuru w’igihungu Perezida Paul Kagame , yitako ari uncle we.
General Muhoozi Kainerugaba , akaba yageze mu Rwanda kuri uyu wa gatandatu tariki 15 Ukwakira 2022 , aho yahageze aherekejwe n’umunyamakuru uzwi cyane mu karere ka Africa y’iburasirazuba (EAC) mu bya Politike , bwana Andrew Mwenda.
Mu minsi ishize , akaba aribwo General Muhoozi Kainerugaba yatangaje ibyuru ruzinduko azagirira mu Rwanda avugako akumbuye kongera gusura Perezida Paul Kagame avugako kari uncle we ndetse yongeraho ko azanaruhukira mu rwuri rw’inka za uncle we, Perezida Paul Kagame.
General Muhoozi Kainerugaba yifashishije imbugankoranyambaga ze by’umwihariko urubuga rwe rwa Twitter yatangajeko yifuza kongera gusura uncle we , umukuru w’igihungu Perezida Paul Kagame , ngo kuko hashize igihe batabonana gutyo rero yifuza kongera kugirira uruzinduko mu Rwanda.
Nyuma yo gutangaza ibi rero kuri ubu akaba yageze mu Rwanda , aho byatangajwe ko muri uru ruzinduko Muhoozi azahura na Perezida Paul Kagame , ni mugihe hari hashize igihe kitari gito Perezida Kagame nawe avuye mu gihugu cya Uganda kwizihiza isabukuru y’amavuko ya Muhoozi.
General Muhoozi Kainerugaba , akaba ari umwe mu bagize uruhare runini mu kongera kuzahura umubano w’u Rwanda ndetse n’igihugu cye cya Uganda kiyobowe na se Perezida Yoweri Kaguta Museveni , umubano wari warazambye hafi imyaka irenga 5 ishize ibihugu byombi bidacana uwaka.
U Rwanda na Uganda akaba ari ibihugu bifitanye amateka menshi cyane aho abaturage batuye muri ibi bihugu byombi bitana abavandimwe ndetse bamwe bakavugako abanyarwanda n’abanya-Uganda bafite amaraso amwe , gusa ntabyera ngode , mu myaka ishize ibihugu byombi bikaba bitaracana uwaka.