Umuhanzi The Ben yasezeranye mu mategeko n’umukunzi we Miss Uwicyeza Pamella , nyuma y’umwaka amwambitse impeta y’urukundo , mu muhango wabereye mu murenge wa Kimihurura mu karere ka Gasabo , I Kigali.
The Ben na Pamella bakaba ari ibintu bari bashatseko ko byaba mu bwiru ndetse banasaba abari batumiwe ko batafotora muri uwo muhango , gusa bikaba byanze amafoto yabo ajya hanze ndetse atangira no gukwirakwizwa kumbugankoranyambaga.
Inkuru yaba bombi ikaba yayise ikwirakwizwa mu gihugu hose , The Ben akaba asezeranye na Pamella mu murenge nyuma y’uko abafana be bakomeje ku mushyiraho igitutu kinshi bamubwirako yabeshye umukunzi we nyuma yo kumara umwaka amwambitse impeta.
The Ben akaba yarambitse impeta y’urukundo Uwicyeza Pamella mu mwaka wa 2021 amusabako yamubera umugore ndetse Pamella atabishidikanyijeho yavuze “yego” , y’uko yemeyeko yamubera umugore , gusa nyuma y’uko amwambitse impeta abantu bategereje ibindi birori baraheba.
The Ben na Uwicyeza Pamella akaba ari ibyamamare byatangiye kuvungwa mu rukundo mu mwaka wa 2019 , nyuma y’uko aba bombi byabanje kuvungwako umwe afata undi nka mushiki we nta rukundo ruri hagati yabo bombi.
