Ikipe ya Manchester United nyuma y’ibihe irimo bitayoroheye byo kwitwara nabi , iy’ikipe ya Manchester United kuri ubu yamaze kugura umukinnyi uri kumwanya wa mbere kw’isi ukina hagati mu kibuga wa kiniraga ikipe ya Real Madrid yo muri Esupanye , Casemiro.
Nyuma y’uko Manchester United itsinzwe ibitego (4-0) , itsindwa n’ikipe ya Brentford mu mukino wa shampiyona Primier League umutoza w’iyi kipe Erik Ten Hag mu kiganiro n’itangazamakuru nyuma y’umukino yavuzeko Manchester icyeneye abakinnyi bashya kandi bafite karite.
Nyuma y’uko Manchester ari ikipe ikunze kugarukwaho mw’itangazamakuru ryo mu burayi ndetse no kw’isi hose bitewe n’ubwami iy’ikipe imaze kubaka mw’isi y’umupira wa maguru , ndetse inkuru nyinshi zitandukanye ziyivugaho zigafatwa nk’urwenya bitewe n’ibihe bibi iy’ikipe irimo.
kuwa kane akaba aribwo habyutse inkuru ivugako ikipe ya Manchester United ishaka umukinnyi wa Real Madrid , Casemiro , gusa inkuru ikavugako Manchester yatanze amafaranga atagira ingano kw’ikipe ya Real Madrid ndetse n’umukinnyi Casemiro.
Gusa iy’inkuru yabaye nk’igisasu cyikubise mw’isi y’umupira wa maguru bitewe nuko uy’umukinnyi Casemiro yari umukinnyi ngenderwaho mw’ikipe ya Real Madrid kandi afitemo n’amasezerano maremare ndetse ikipe n’umukinnyi ntakibazo bafitanye cyatuma yifuza kuyisohokamo.
Iy’inkuru ariko yafashwe nk’inkuru z’urwenya noneho zaba zigezweho kuri iy’ikipe ya Manchester bitewe nuko nyuma yo gutsindwa ibitego (4-0) yari imaze kuvugwaho abakinnyi barenze 15 ngo ishaka kugura ndetse zimwe muri iz’inkuru zikarangira ari inkuru zari izo gucuruza gusa.
Gusa inkuru ya Casemiro ikaba yaraje kuba impamo ndetse n’umutoza wa Real Madrid Carlo Ancelotti aza kubyemeza ko umukinnyi ashaka kugenda, amakuru akemezako Manchester yishyuye miliyoni 70£ ikipe ya Real Madrid , kugirango yegukane uy’umukinnyi , Casemiro.
Nyuma y’uko Iy’inkuru ibaye impamo abakinnyi b’ikipe ya Real Madrid bakaba baragaragaje akababaro batewe n’igenda ry’uyu mukinnyi , by’umwihariko abakinnyi barimo nka Toni Kroos ndetse na Modric bakinanaga n’uyu mukinnyi hagati mu kibuga mw’ikipe ya Real Madrid.