Umuhanzi Mugisha Benjamin uzwi nka The Ben , ugiye gukorera igitaramo mu Rwanda kizabera muri BK Arena , nyuma yo kugaruka mu Rwanda yavuzeko hari abantu babiri bingenzi kuri we yari akumbuye cyane kongera kubona , nyuma yo kugera mu Rwanda.
The Ben nyuma yo kugera ku kibuga cy’indege mpuzamahanga cya kanombe , ubwo uy’umuhanzi yaganiraga n’itangazamakuru yavuzeko yari akumbiye igihugu cye cy’u Rwanda n’abanyarwanda muri rusange ariko by’umwihariko avugako ko akumbuye Mama we ndetse n’umukunzi we Pamela.
Umukobwa Uwicyeza Pamela akaba ari umwe mu bo The Ben yavuzeko ko akumbuye ndetse Pamela akaba aru mukobwa witegura kurushinga na The Ben nyuma y’uko mu mwaka wa 2021 , The Ben yamwambitse impeta mu birori bya bereye mu birwa bya Maldives amusaba ko yamubera umugore.
The Ben akaba agiye kongera gutaramira Abanyarwanda mu gitaramo cyateguwe na Rwanda Rebirth kizaba mu mpera z’iki cyumweru kuwa gatandatu tariki 6 Kanama 2022 ndetse muri iki gitaramo The akazaba ari kumwe n’abandi bahanzi b’abanyarwanda batandukanye barimo umuhanzikazi Marina.
Iki gitaramo kikaba kizabera mu nzu imaze kumenyerwaho kwakira ibitaramo bitandukanye bibera mu Rwanda , Kigali Arena , kuri ubu ikaba yarahinduriwe izina ikitwa BK Arena , The Ben nyuma yo kugera mu Rwanda akaba yahise anambikwa ikamba ry’icyubahiro nk’umuhanzi umaze gukora ibikorwa bikomeye mu Muziki.
