Miss Rwanda 2017 , Iradukunda Elsa urukiko rwa kicukiro rwategetseko arekurwa akuburanishwa arihanze maze ruvugako ntampamvu zikomeye zatuma Miss Iradukunda Elsa akurikiranwa afunze.
Miss Iradukunda Elsa ukurikiranweho icyaha cyo guhimba, guhindura inyandiko cyangwa gukoresha inyandiko mpimbano kuri uyu wa gatatu tariki 25 Gicurasi 2022 nibwo urukiko rwa kicukiro rwategetseko arekurwa agakurikiranwa adafunze.
Miss Iradukunda Elsa akaba arengwa muri dosiye imwe na noteri Uwitonze nasira ushinjwa gufasha Miss Iradukunda Elsa guhimba inyandiko mpimbano ndetse no gutanga ubuhamya bw’ibinyoma , Iradukunda Elsa akaba yaratawe muri yombi tariki 8 Gicurasi 2022 ubwo byari ku munsi wo ku cyumweru.
Nyuma yuko urukiko rwa kicukiro rutegetseko Miss Iradukunda Elsa afungurwa agakurikiranwa adafunze , urwego rw’ubugenzacyaha RIB rwamusubijwe kuri sitasiyo ya RIB akuwe ku rukiko kugirango asinyirwe impapuro zimurekura.
Miss Iradukunda Elsa akaba ari umukobwa w’imyaka 24 y’amavuko akaba yarabaye nyaminga w’u Rwanda mu mwaka wa 2017 asimbuye uwitwa Mutesi Jolly kuruho mwanya wa nyaminga w’u Rwanda aho nawe yaje gusimburwa kuri uyu mwanya mu mwaka wa 2018.
Urwego rw’igihugu rw’ubugenzacyaha RIB rukaba rwaramutaye muri yombi ku cyumweru tariki 8 Gicurasi 2022 akurikiranweho ibyaha birimo icyaha cyo gukoresha inyandiko mpimbano ndetse n’icyaha cyo kubangamira iperereza ku byaha bifitanye isano n’ibyaha uwitwa ishimwe Dieudonne uzwi nka prince kid yari akurikiranweho.