Kuri iyi nkuru twakusanyije abantu 10 bakurikirwa cyane ku rubuga nkoranyambaga rwa Instagram, uru nirwo rubuga rwifashishwa cyane n’ibyamamare bitandukanye byegera abafana.
Instagram ikoreshwa n’abantu barenga miriyari buri kwezi. Kuri uru rutonde twakuyemo konti z’ibigo tugaragaza iz’ibyamamare gusa.
1. Cristiano Ronaldo (@cristiano)
Rutahizamu wa Manshester United, Cristiano Ronaldo niwe muntu ukurikirwa cyane ku rubuga rwa Instagram cyane dore ko akurikirwa n’abasaga miriyoni 367 kuri uru rubuga, ndetse afite amafoto ye ari muyakunzwe kurusha ayandi kuri Instagram.
2. Lionel Messi (@leomessi)
Umukinnyi Lionel Messi ukinira Paris Saint Germain, akurikirwa n’abantu basaga miriyoni 295 kuri Instagram, ibi bimurira uwa kabiri ukurikirwa cyane, ndetse akaba ariwe ukurikirwa cyane ku mugabane wa Amerika y’epfo.
3. Kylie Jenner (@kyliejenner)
Kylie Jenner ni umunyamideri ndetse akaba n’umunyemari w’umunyamerika, ni umwe mu bavandimwe bo mu muryango wa Kardashian ndetse mu mwaka wa 2019 yashizwe ku rutonde rwa Forbes rw’abatunze miriyari y’amadorari ya Amerika. Kylie Jenner akurikirwa n’abasaga miriyoni 295.
4. Ariana Grande (@arianagrande)
Ariana Grande ni umuririmbyi ndetse n’umukinnyi wa filme, kugera ubu ni umwe mu bahanzi bakomeye ndetse bafite indirimbo zacurujwe cyane kurusha izindi. Ariana azwi ku ndirimbo zirimo nka ‘Side to side’, ‘Positions’, ‘7 rings’ n’izindi.. Ariana Grande akurikiwe n’abasaga miriyoni 286 bimugira uwa kane ndetse akaba ariwe munyamuziki ukurikirwa cyane kw’Isi.
5. Dwayne Johnson “The Rock” (@therock)
Dwayne Johnson ni umukinnyi wa filme w’umunyamerika ndetse azwi cyane nka ‘The Rock’, yamenyekanye cyane ubwo yakinaga imikino yo gukirana izwi nka ‘catch’ nyuma aza kubireka yinjira muri Cinema. Uretse ibyo The Rock afite uruganda rukomeye rwenga inzoga yitwa ‘Teremana tequira’. The Rock yakinnye muri filme nka ‘Jumanji Welcome to the jungle’, ‘Jungle Cruise’, ‘Red Notice’ n’izindi.. Akurikirwa n’abasaga miriyoni 285 bimugira uwa 5 ndetse akaba umnyamerika w’umugabo ukurikiwe cyane.
6. Selena Gomez (@selenagomez)
Selena Gomez azwi cyane mu muziki ndetse ni n’umukinnyi wa filme wabigize umwuga ndetse akaba anazitunganya. Selena azwi mu ndirimbo zirimo ‘Same old love’, ‘kill it with kindness’, ‘loose you to love me’ n’izindi. Gomezi yagaragaye muri filme zirimo nka ‘Hotel Transylvania’, ‘Another Cinderella story’, ‘Only murders in the building’ n’izindi… Gomez akurikirwa n’abasaga miriyoni 285 kuri Instagram.
7. Kim Kardashian (@kimkardashian)
Kim Kardashian ni umunyamideri ndetse akaba yari umufasha wa Kanye West kugeza mu mwaka wa 2021 ubwo batandukanaga, Kim akurikirwa n’abasaga miriyoni 274 kuri uru rubuga.
8. Beyoncé (@beyonce)
Umuhanzikazi beyoncé Knowles Carter ni umwe mubahanzi bakunzwe ndetse bubashwe cyane muri muzika, ndetse niwe muhanzi ufite ibihembo byinshi bya Grammy. Beyonce akurikirwa n’abasaga miriyoni 228 kuri uru rubuga. Beyonze azwi ku ndirimbo zirimo ‘Halo’, ‘Pretty hurts’, ‘Lemonade’ n’izindi…
9. Justin Bieber (@justinbieber)
Justin Bieber ni umunyamuziki ukomoka mu gihugu cya Canada akaba akorera umuziki we muri Leta zunze ubumwe za Amerika, uyu munsi ari mu bahanzi bakunzwe cyane ndetse indirimbo ze ziri mu zaranze umwaka wa 2021. Justin Bieber azwi ku ndirimbo zirimo ‘Sorry’, ‘Stay’, ‘Yummy’ n’izindi… Bieber afite abamukurikira bagera kuri miriyoni 212.
10. Kendall Jenner (@kendalljenner)
Kendal Jenner ni umwe mu banyamideri bakomeye ndetse bazwi cyane.. ndetse avukana n’ibindi byamamare birimo Kim Kardashian, Kylie Jenner n’abandi. Kendal akurikirwa n’abantu bangana na miriyoni 209 ku rubuga rwa Instagram.
Dukurikire ku rubuga rwa Instagram unyuze hano.