Urubuga nkoranyambaga rwa Twitter rwafunze account zigera kuri 418 mu gihugu cya Uganda , izi account zafunzwe zishinzwa kuba zaragaragaye mu bikorwa bitanyuze mu mucyo hagamijwe kwamamaza Perezida Museveni.
Ikigo cya Twitter cyatangajeko account zafunzwe zagaragaye mu bikorwa biteguwe neza byumvikanishaga neza ko harimo akaboko ka leta ya Uganda cyangwa Perezida Museveni ubwe bwite.
Uretse igihugu cya Uganda , Twitter yafunze account 268 zo muri Tanzania , 50 zo muri Libya , 16 zo mu Burusiya , 276 zo muri Mexico , 277 zo muri Venusaur nizirenga ibihumbi 2000 zo mu Bushinwa .
Ibi bije nyuma yuko ikigo cya Meta kigenzura imbuga nkoranyambaga nka Facebook , Whatsapp na Instagram gitangajeko cyafunze Account zigera kuri 500 mu gihugu cy’ubushinwa , ibigo by’imbuga nkoranyambaga bikaba bikomeje gufunga account mu bihugu bimwe na bimwe kw’isi.
Muri Rusange ibigo by’imbuga nkoranyambaga bimaze igihe ku gitutu cyo kugenzura no guhangana n’ibikorwa byo gukwirakwiza amakuru y’ibihuha bishobora no gukorwa ni nzego za leta z’ibihugu hagamijwe inyungu runaka.