Kuruyu wa mbere tariki 20 Nzeri nibwo urubanza rurengwamo Paul Rusesabagina kumwe na Nsabimana wiyise Sankara kumwe n’abandi bareganwa muri uru rubanza bose bakurikiranweho ibyaha byiterabwoba byakorewe mu ntara y’amanjyaruguru nibwo urukiko rwasomye imyanzuro yanyuma y’urubanza urukiko runatangaza ibihano buri umwe agenewe ni igihe azabirangiza.
Urukiko rukuru ruburanisha ibyaha mpuzamahanga n’ibyaha byambukiranya imipaka kuri uyu wa mbere nibwo rwakatiye igifungu cy’imyaka 20 Nsabimana wiyise Sankara rumuhamije ibyaha birimo icyaha cyo kuba mu mutwe witerabwoba , icyaha cyo gukora no kugira uruhare mu bikorwa byiterabwoba , icyaha cyo guhaka no gupfobya genoside yakorewe abatutsi mu mwaka 1994 , urukiko rukaba rwamuhamije icyaha cyo guhabwa kubwuburiganya cyangwa gukora no gukoresha inyandiko ni mapuro bitangwa ni nzego zabigenewe , urukiko rukaba rwahanaguyeho Sankara ibyaha birimo icyaha cyo kurema umutwe w’ingabo bitemewe , icyaha cyo kugirana umubano na leta ya mahanga bigiriwe gushoza intambara , icyaha cyo gutanga kwakira no gushishikariza kwakira ibikomoka kwiterabwoba , icyaha cyi terabwoba kunyungu za politike ,icyaha cyo kugambana no gushishikariza abandi gukora igikorwa kiterabwoba , icyaha cyo gukwirakwiza amakuru atariyo cyangwa icengezamatwara bigamije kwangiza leta y’u Rwanda ibihugu by’amahanga. urukiko rwavuzeko ibindi bikorwa by’iterabwoba byakozwe harimo ibitero yarezwe ko rwasanze ari kimwe mu byaha bigize icyaha ”gukora no kugira uruhare mu bikorwa byiterabwoba”.
Urukiko rukuru ruburanisha ibyaha mpuzamahanga n’ibyaha byambukiranya imipaka rukaba rwakatiye Paul Rusesabagina imyaka 25 y’igifungo rukaba rwamuhamije ibyaha birimo icyaha cyo kuba mu mutwe w’iterabwoba ,icyaha cyo gukora no kugira uruhare mu bikorwa byiterabwoba urukiko rukaba rwahanaguyeho Rusesabagina ibyaha birimo icyaha cyo kurema umutwe w’ingabo bitemewe urukiko rwavuzeko kandi ibindi byaha birimo ibyaha byakozwe mu bitero no gutera inkunga iterabwoba rusesabagina aregwa rwasanze ari ibyaha bikubiye mu cyaha ” icyaha cyo gukora no kugira uruhare mu bikorwa byiterabwoba “.