Nyuma y’uko imikino ya UEFA Champions League igeze muri 1/4 , hamaze gukorwa tombora hamenyekana uko amakipe azahura muri iyi mikino ya 1/4 cya UEFA Champions League , nyuma y’uko kuri wa gatanu habaye tombora.
Amakipe nka Arsenal , Manchester City , Real Madrid , Atletico Madrid , FC Barcelona , FC Bayern Munich , Paris Saint-Germain ,Borussia Dortmund akaba ariyo yabashije kubona itike ya 1/4 cya UEFA Champions League muri uy’umwaka w’imikino 2023/24.
Nyuma ya tombora yabaye kuri uyu wa gatanu , amakipe akaba yisanze agomba gutana mu mitwe aho ikipe igomba guhura n’indi banganya imbaraga mu gushaka itike ya 1/2 cya UEFA Champions League aho amakipe azabasha gukomeza azahurira ku mikino wa nyuma uzabera kuri sitade ya Wembley.
Muri 1/4 cya UEFA Champions League , ikipe nka FC Bayern Munich ikaba izahura n’ikipe ya Arsenal , Real Madrid igahura n’ikipe ya Manchester City , FC Barcelona igahura n’ikipe ya Paris Saint-Germain mugihe ikipe ya Atletico Madrid izahura n’ikipe ya Borussia Dortmund.
Imikino ya UEFA Champions League , ikaba irimo irakinwa bwa nyuma mu buryo busanzwe (Old format) , bikaba biteganyijwe ko mu mwaka utaha w’imikino mushya wa 2024/25 hazashyirwaho uburyo bushya (New format) bwo gukinamo iri rushanwa rya UEFA Champions League risumba ayandi yose ku mugabane w’iburayi.