Perezida Paul Kagame na madam Jeannette Kagame , kuwa gatatu tariki 6 Ukuboza 2023 , bari mu bitabiriye igitaramo cy’u muhanzi Kendrick Lamar “Move Africa Rwanda” , cyari kibaye ku nshuro yacyo ya mbere hano mu Rwanda , mugihe giteganya gukomeza mu myaka itanu iri imbere.
Perezida Paul Kagame , muri iki gitaramo kitabiriwe n’abatari bake doreko inyubako ya BK Arena yari yakubise yuzuye akaba yaravuzeko ari uburyo budasanzwe kandi bwiza bwo gusoza umwaka wa 2023 , bataramira mu gitaramo cya Move Africa.
Iserukiramuco rya Move Africa , akaba ari bimwe mu bitaramo bigiye kuzajya bibera hano mu Rwanda mugihe cy’imyaka itanu mu nzu y’imyidagaduro ya BK Arena aho ku nshuro ya mbere cyafunguwe ku mugaragaro n’umuhanzi Kendrick Lamar , umwe mu bakomeye kw’isi mujyana ya hip hop.
Perezida Paul Kagame , akaba yaraje kugaragara ku rubyiniro rw’iki gitaramo ndetse abari bakitabiriye bamugaragariza ubwuzu bwinshi cyane aho bamwakiriye n’amajwi agira ati “ni wowe , ni wowe , ni wowe , ni wowe” n’urusaku rwinshi rw’ibyishimo doreko ari ku nshuro ya mbere byari bibayeho.
Iki gitaramo kandi uretse umuhanzi Kendrick Lamar , hakaba hari abandi bahanzi bagaragaye ku rubyiniro barimo , Bruce Melody , Ariel wayz , umuhanzi kazi Zuchu wo muri Tanzania ndetse n’umunyarwanda kazi umaze kubaka izina mu kubyina , Sherrie Silver.
Ijambo rya Perezida Paul Kagame yagejeje kubari bitabiriye igitaramo cya Move Africa.