Indirimbo “Calm down remix” umuhanzi Rema ukomoka mu gihugu cya Nigeria yasubiranyemo n’umuhanzikazi w’umunya-America Selena Gomez ikomeje kwandika amateka mu muziki w’isi nyuma y’uko ariyo ndirimbo bwa mbere ya yasuwemo “collaboration” mu mateka imaze umwaka ku rukuta rwa Pop Airplay chart rwa billboard.
Ubusanzwe , Pop Songs Airplay Chart ya Billboard , akaba ari urutonde rw’indirimbo 40 zacuranzwe cyane kuri radio zitandukanye zo muri leta zunze ubumwe za America rusohoka buri cyumweru ku rubuga rwa billboard magazine , aho Calm down imazeho ibyumweru 57.
Indirimbo Calm down , rema yasubiranyemo na Selena Gomez , ikaba yarashyizeho akagahigo ko kuba ariyo ndirimbo ya mbere ya collaboration yujuje umwaka igaruka kuri uru rutonde rw’izi ndirimbo 40 zicurangwa kuri radio zo muri America nyuma y’uko ari n’indirimbo ikomeje kwandika amateka agiye atandukanye.
Kuva , Rema na Selena Gomez basohora iyi ndirimbo akaba ari indirimbo yagiye yandika amateka agiye atandukanye arimo no kuba yarafashije umuhanzi Rema gutuma yandikwa mu gitabo cya Guinness Des Records nyuma y’uko iyi ndirimbo iyoboye indirimbo 20 zari zikunzwe ku rukuta rwa Official Men Chart , muri Kanama 2023.
Indirimbo “Calm down remix” kandi ikaba yarafashije umuhanzi kazi Selena Gomez kwegukana igihembo cya Best Afrobeats Awards mu bihembo bya MTV byabaye muri uyu mwaka wa 2023 , aho Selena Gomez yaregukanye iki gihembo cya Best Afrobeats Awards nyuma y’imyaka 10 yari ishize , abikesha iyi ndirimbo Calm down yasubiranyemo na Rema.
Indirimbo Calm down , kuri ubu ikaba imaze kurebwa n’abagera kuri miliyoni 695 ku rubuga rwa YouTube rw’umuhanzi Selena Gomez mugihe cy’umwaka umwe imaze bayishyize hanze , ni mugihe Calm down y’umuhanzi Rema wenyine yo imaze kurebwa n’abarenga miliyoni 500 ku rubuga rwe rwa YouTube.
Indirimbo “Calm down remix” Rema yasubiranyemo na Selena Gomez.