Mugihe hatabura iminsi ibarirwa ku ntoki kugirango mu Rwanda hatangirwe ibihembo bya television ya Trace music bizwi nka Trace Awards 2023 , bigiye kuba ku nshuro ya 20 , u Rwanda n’icyo gihugu cya mbere ku mugabane wa Africa kigiye kwakira ibi bihembo.
Ku itariki 21 Ukwakira 2023 , akaba aribwo ibi bihembo bizwi nka Trace Awards bizatangirwa mu nzu y’imyidagaduro ya BK Arena hano mu Rwanda , akaba ari ibihembo byitezweho kuzitabirwa n’abahanzi barenga 60 bazaba bahatana muri ibi bihembo.
Bamwe , mu bahanzi bafite izina rikomeye kuri uyu mugabane wa Africa bakaba bazagaragara muri ibi bihembo babihataniye ndetse abandi nabo bakazabigaragaramo basusurutsa abakunzi b’umuziki n’abanyarwanda muri rusange bazaba ba byitabiriye.
Trace music , akaba ari television ifite amasheni atandukanye kuri channel y’igihugu cy’ubufaransa ya Canal+ aho ifiteho amasheni atandukanye arimo , Trace Muzik , Trace music , Trace Gospel ndetse n’izindi zitandukanye , aya masheni yose akaba yerekena indirimbo z’abahanzi zigezweho.
Muri ibi bihembo bigiye kubera bwa mbere mu Rwanda , abahanzi b’abanya-rwanda nabo ku nshuro ya mbere bakaba bazagaragara bahatana muri ibi bihembo ariko by’umwihariko hakaba harashyizwemo n’ikiciro kizahatanamo abanyarwanda gusa.
Umuhanzi Bruce Melody kuri ubu umaze kugira izina rikomeye mu muziki w’u Rwanda na Africa muri rusange , akaba ariwe wiganje mu byiciro bitandukanye by’ibi bihembo bya Trace Awards aho ahanganye n’abandi bahanzi bakomeye kuri uyu mugabane wa Africa.
Muri ibi birori bya Trace Awards kandi hakaba hitezwe abahanzi b’abanya-rwanda kuzagaragara ku rubyiniro rw’ibi birori basusurutsa abitabiriye ibi bihembo ndetse hakaba hazaberamo n’ibindi birori bitandukanye birimo no kumurika imideri.
Ibi bihembo bya Trace Awards bigiye gutangirwa mu Rwanda ku nshuro ya mbere , akaba ari ibihembo igihugu nacyo cyashyizemo imbaraga kugirango bigende neza doreko mu bafatanyabikorwa ba mbere b’ibi bihembo barimo Visit Rwanda , igitazamakuru cy’igihugu RBA , Bank of Kigali ndetse na Rwanda Air.
