Ahazaza w’umukinnyi , Jadon Sancho , muri Manchester United hakomeje kuba ihurizo rikomeye , nyuma y’uko uyu mukinnyi agiranye ibibazo n’umutoza Erik Ten Hag by’imyitwarire idahwitse yagaragaje ubwo Manchester United yari imaze gutsindwa n’ikipe ya Arsenal ibitego (3-1) mu mukino wa shampiyona.
Mu mukino wa shampiyona ya Primier League , ubwo Manchester United yari imaze gutsindwa n’ikipe ya Arsenal ibitego (3-1) , Erik Ten Hag akaba yaraje kubazwa impamvu umukinnyi Jodan Sancho atagaragaye kuri uyu mukino , Manchester United yatsinzwe.
Erik Ten Hag , akaba yaraje gusubiza ko uyu mukinnyi Jodan Sancho atagaragaye kuri uyu mukino bitewe nuko urwego rwe mu myitozo rutari ku kigero cyiza cyo kuba yatoranywa mu bakinnyi bagombaga gukina uyu mukino w’ikipe ya Arsenal.
Nyuma y’uko Erik Ten Hag atangaje ibingibi , umukinnyi Jodan Sancho yifashije urubuga nkoranyambaga rwe rwa X akaba yaravuguruje ibyavuzwe n’umutoza Erik Ten Hag ubundi avugako ibyavuzwe byose ari ibinyoma ko ahubwo hari izindi mpamvu zituma adakina.
Ibyakozwe , n’uyu mukinnyi bikaba byarafashwe nk’ubusazi akoze kuko benshi bagaragajeko ibintu yakoze bitari bikenewe ahubwo ko yari gushaka ubundi buryo abikoramo doreko n’urwego rw’imikinire ye muri Manchester United rutamuvugiraga.
Kuva icyo gihe , uyu mukinnyi akaba yarayise ahagarikwa mw’ikipe ya Manchester United ndetse no mu bikorwa byose bigize aho bihuriye n’ikipe ya mbere ya Manchester United ku mpamvu zo kuba yaragaragaje imyitwarire idahwitse imbere y’umutoza we Erik Ten Hag.
Amakuru aturuka mu begereye iyi kipe ya Manchester United , akaba avugako uyu mukinnyi kugirango aguruke mw’ikipe ya mbere ya Manchester United agomba gusaba imbabazi umutoza Erik Ten Hag , staff y’ikipe ya Manchester United ndetse n’abakinnyi muri rusange.
Bikavugwako , Sancho y’aba yaranze gusaba imbabazi Erik Ten Hag , staff y’ikipe ya Manchester United ndetse n’abakinnyi muri rusange , umutoza Erik Ten Hag ubwo yabazwaga kuri uyu mukinnyi igihe ya zongera gukinara Manchester United akaba yaravuzeko ariwe ubwe bizaturukaho.
Gusa , uko bwije n’uko bucyeye ikibazo cy’uyu mukinnyi Jodan Sancho n’umutoza Erik Ten Hag kikaba kirushaho gukura doreko nanone Erik Ten Hag yongeye kukibazwaho mu mukino ikipe ya Manchester United yatsinzemo ikipe ya Crystal Palace , akanga kugira icyo akivugaho.
Mbere , y’uyu mukino Jodan Sancho akaba yari yahagaritse urubuga rwe rwa Instagram kuri ubu rutakirimo gukora , ubwo Erik Ten Hag yongeraga kubazwa kuri Jodan Sancho ku kuba atarimo kugaragara mw’ikipe ya Manchester United , akaba yavuzeko atari buvuge ku bakinnyi badahari.
Erik Ten Hag , abajijwe ku kuba Jodan Sancho yahagaritse urubuga rwe rwa Instagram byaba ari intambwe nziza yateye mu gukemura ibibazo bye na Erik Ten Hag , akaba yavuzeko ibyo yakoze ari ibimureba (Jodan Sancho) ndetse yongera kuvugako ntakintu ari buvuge ku bakinnyi badahari.