Nyaminga w’u Rwanda umwaka wa 2022 , Nshuti Muheto Divine , yakoze impanuka atwaye imodoka ubundi imodoka ye irangirika bikomeye mugihe we yakomeretse byoroheje ubundi ahita ajyanwa kwa muganga , ahazwi nko kwa Nyirinkwaya.
Kuwa gatanu , tariki 22 Nzeri 2023 , akaba aribwo uyu mukobwa w’imyaka 20 wabaye Nyaminga w’u Rwanda 2022 (Miss Rwanda 2022) yakoze iyi mpanuka aho ya yikoreye Kimironko mu mujyi wa Kigali ubwo imodoka ye yagongaga inzu.
Amakuru , akavuga ko nyuma yo gukora iyi mpanuka , Nshuti Muheto Divine , yayise ajyanwa kwa muganga ku bitaro bya ‘La Croix du sud’ ahazwi nko kwa Nyirinkwaya mu mujyi wa Kigali , ngo kuko ijisho rye ryari ryakometse kuburyo bukomeye.
Gusa , nyuma yo gukora iyi mpanuka abakoresha urubuga nkoranyambaga rwa X rwahoze ari Twitter , bakaba bibasiye uyu mukobwa aho benshi mu bakoresha uru rubuga rwa X , batabuze kuvuga ko iyi mpanuka y’aba yaratewe no kunywa agacupa , nubwo nta gihamya cya byo.
Amafoto y’iyi modoka ya Miss Muheto , akaba agaragaza ko ari imodoka yagiye ikagonga inzu y’umuntu bisa nkaho uwari uyitwaye yari yataye umuhanda (kubura control) ubundi akayoba cyangwa yabuze ubwenge kuko n’imodoka yagiye ikagonga inzu.
Muheto , akaba yarabaye Nyaminga w’u Rwanda 2022 asimbuye Nyaminga w’u Rwanda 2021 , Ingabire Grace , ni mugihe Muheto ariwe ugifite iri kamba rya Nyaminga w’u Rwanda bitewe n’ibibazo byadutse muri iri rushanwa birimo no gufunga uwariteguraga , Prince kid , akurikiranyweho ibyaha byo gusambanya abakobwa baryitabiraga.
