Ikipe ya Manchester United yatangajeko yamaze gutandukana n’umukinyi wayo Mason Greenwood , nyuma y’uko yari yarashinjwe ibyaha byo guhohotera umukobwa bakunda ariko urukiko rukaza ku mugira umwere kuri ib’ibyaha yari akurikiranyweho.
Ikipe ya Manchester United ikaba yatangajeko yatandukanye n’umukinnyi Mason Greenwood , nyuma y’amezi atandatu iy’ikipe itangajeko igiye gukora iperereza ryayo bwite kuri uy’umukinnyi nyuma y’uko urukiko rwo rwari rwamugize umwere kuri ib’ibyaha.
Mw’itangazo Manchester United yashyize hanze ikaba yatangajeko yamaze gutandukana n’umukinnyi Mason Greenwood ubundi ivugako uy’umukinnyi agiye gukomereza kariyeri ye yo gukina umupira w’amaguru ahandi hatari ku kibuga cya Old Trafford.
Mason Greenwood nawe mw’itangazo yashyize hanze akaba yashimangiye ay’amakuru y’uko yamaze gutandukana n’ikipe ya Manchester United ndetse avugako agiye gukomeza gukina umupira w’amaguru ahandi hatari mw’ikipe ya Manchester United.
Greenwood , akaba yavuzeko abantu bazamucira urubanza bitewe nibyo babonye cyangwa bakumva ku mbuga nkoranyambaga (social media) ubundi avugako bazaba batekereza ibitarobyo , Greenwood yavuzeko ibyo yarezwe byose nta na kimwe muri byo yakoze.
Ubundi , avugako ari nayo mpamvu mu kwezi kwa kabiri uy’umwaka wa 2023 , urukiko rwamuhanaguyeho ibirego byose yari akurikiranyweho ndetse rukanamugira umwere ku byaha byo guhohotera umukobwa bakunda , kuri ubu bamaze no kubyarana.
Greenwood , akaba yavuzeko yumva inshingano ze zo gutanga urugero rwiza nk’umukinnyi wabize umwuga ndetse no kuba urugero rwiza rw’umubyeyi kuri ubu ufite umwana nkuko bimeze n’umukunzi , Greenwood akaba yashimiye ikipe ya Manchester United ku rukundo yamugaragarije kuva yayigeramo afite imyaka irindwi.
Mason Greenwood , akaba yashimiye umuryango we n’abantu bamugiriye ikizere ndetse avugako aricyo gihe ngo abiture icyo kizere bamugiriye aba umukinnyi mwiza ariko by’umwihariko aba umubyeyi mwiza ndetse n’umuntu mwiza akoresha impano ye mu buryo bwiza yaba mu kibuga no hanze y’ikibuga.