Umukinnyi Bruno Fernandes , ukina hagati mu kibuga kuri nimero icumi mw’ikipe ya Manchester United ndetse n’igihugu cya Portugal yamaze kugirwa kapiteni mushya w’ikipe ya Manchester United asimbuye uwari kapiteni w’iyi kipe ya Manchester United , Harry Maguire.
Bruno Fernandes , akaba agizwe kapiteni w’ikipe ya Manchester United nyuma y’uko mu minsi ishize umukinnyi Harry Maguire yari yatangajeko nyuma yo kugirana ibiganiro n’umutoza Erik Ten Hag yamumenyeshejeko agiye guhindura kapiteni w’iyi kipe ya Manchester United.
Umukinnyi Bruno Fernandes akaba agizwe kapiteni mushya wa Manchester United nyuma y’uko mu mwaka w’imikino ushize wa 2022/23 ariwe wambaye ik’igitambaro cya kapiteni inshuro nyinshi mugihe uwari kapiteni w’ikipe yabaga yicaye ku ntebe y’abasimbura.
Harry Maguire akaba yarambuwe igitambaro cya Kapiteni wa Manchester United nyuma y’uko ari umukinnyi abafana ba Manchester United batishimiraga umusaruro atanga mu kibuga ndetse bagakunda no kumuvugiriza induru mugihe ari mu kibuga.
Bruno Fernandes akaba agiye kuyobora abakinnyi b’ikipe ya Manchester United mu mwaka mushya w’imikino wa 2023/24 uteganyijwe gutangira mu kwezi gutaha kwa munani aho iy’ikipe irimo kwitegura uy’umwaka w’imikino muri leta zunze ubumwe za America.
Umutoza Erik Ten Hag kuva yagera muri Manchester United akaba yaragiye afata imyanzuro ikarishye irimo gutandukana n’umukinnyi Cristiano Ronaldo , gushyira ku ntebe y’abasimbura umukinnyi Harry Maguire no kumwambura igitambaro cya Kapiteni , ndetse no gutandukana n’umunyezamu David De Gea warumaze imyaka 12 muri iy’ikipe ya Manchester United.