Ikipe ya Borussia Dortmund yo mu gihugu cy’ubudage , yabuze igikombe cya shampiyona y’ubudage “Bundslinga” kw’isegonda rya nyuma , nyuma y’uko iy’ikipe inganyije ibitego (2-2) n’ikipe ya Mainz , ku mukino wa nyuma wa shampiyona mugihe yasabwaga gusa kuyitsinda.
Borussia Dortmund ikaba yabuze igikombe cya shampiyona y’ubudage “Bundslinga” nyuma y’uko muri uy’umwaka w’imikino wa 2022/23 yari ifite amahirwe yo ku kigero cya 99% yo kucyegukana nyuma y’imyaka 11 itagitwara kuko iheruka kwegukana ik’igikombe mu mwaka wa 2012.
Borussia Dortmund , igikombe yabuze cyikitwarirwa n’ikipe ya Bayern Munich , akaba ari nka kado iy’ikipe ya Borussia Dortmund yihereye ikipe ya Bayern Munich , kuko amakipe yombi yagiye gukina umukino wa nyuma wa shampiyona , ikipe ya Borussia Dortmund byose ibifite mu biganza.
Bayern Munich , ikaba yitwariye igikombe cya shampiyona “Bundslinga” isankaho igitoraguye nyuma y’uko uy’umwaka w’imikino yarigiye kuhusoza nta gikombe itwaye bitewe nta makosa yakozwe n’ubuyobozi bw’iyi kipe bwirukana umutoza , ku mpamvu zidafututse.
Muri uy’umwaka w’imikino , ikipe ya Borussia Dortmund ikaba yari yaragaraje guhatana gukomeye ndetse biza no kuyikundira nyuma y’uko itsinze ikipe ya Augsburg ibitego (3-0) ku mukino ubanziriza uwa nyuma wa shampiyona byayise biyiha amahirwe yo kuba yakwegukana ik’igikombe cya shampiyona.
Bayern Munich , akaba ari umwaka 11 yikurikiranya mu gutwara igikombe cya shampiyona y’ubudage “Bundslinga” kuko iy’ikipe kuva mu mwaka wa 2012 ariyo kipe yo mu gihugu cy’ubudage itwara ik’igikombe cya shampiyona kuko ntayindi kipe baba bagihataniye.
Gusa nyuma y’umwaka wa 11 , ikipe ya Borussia Dortmund ikaba yari yongeye kureba ko yashimaho igatwara icy’uyu mwaka wa 2023 ariko biza kwanga kw’isegonda rya nyuma , nyuma yo kunganyiriza ku kibuga cy’ayo n’ikipe ya Mainz ibitego (2-2).
