Umukinnyi Vinicius Junior w’ikipe ya Real Madrid ndetse n’igihugu cya Brazil , yongeye gukorerwa irondaruhu mu mukino wa shampiyona ya Esupanye “La Liga Santander ” n’abafana b’ikipe ya Valencia ndetse anerekwa ikarita y’umutuku.
Ku mugoroba wo kuri ik’icyumweru , tariki 21 Gicurasi 2023 , ubwo byari ku munsi wa 35 wa shampiyona ya Esupanye ” La Liga Santander” ikipe ya Real Madrid irigukina n’ikipe ya Valencia akaba aribwo Vinicius Jr yatutswe kw’irondaruhu n’abafana b’ikipe ya Valencia.
Ubwo umukino warugeze ku munota wa 60 ikipe ya Valencia yatsinze igitego (1-0) Real Madrid , akaba aribwo uy’umukino waje guhagarara igihe kitari gito kubera uburyo abafana b’ikipe ya Valencia batukaga umukinnyi Vinicius Junior kw’irondaruhu.
Uy’umukino nyuma ariko ukaba waje gukomeza gukinwa ndetse Vinicius Junior biza kurangira yeretswe ikarita itukura n’umusifuzi wari wasifuye uy’umukino nyuma yo gushyamirana n’abakinnyi biturutse ku bafana b’ikipe ya Valencia bakomeje ku mutuka kw’irondaruhu.
Nyuma y’umukino , Vinicius Jr , akoresheje urubuga rwe rwa Instagram akaba yaje kuvuga amagambo akomeye bitewe n’uburyo ikibazo cyo gukorerwa irondaruhu ubuyobozi bwa shampiyona ya La Liga Santander bukitwaramo doreko atari ku nshuro ya mbere abikorerwa ntibugire icyo bubikoraho.
Vinicius Jr , akaba yavuzeko irondaruhu muri Esupanye byabaye nk’ibintu bisanzwe ndetse ko ubuyobozi bwa shampiyona ya La Liga bwamaze kubyemera ko ari ibintu bisanzwe , Vini akaba yakomeje avugako shampiyona yarizwiho kubamo abakinnyi nka Ronaldinho , Ronaldo , Cristiano na Messi , kuri ubu isigaye izwiho kubamo irondaruhu.
Vinicius muri ub’ubutumwa yashyize ku rubuga rwe rwa Instagram , akaba yavuzeko kuri ubu mu gihugu cye cya Brazil igihugu cya Esupanye cyizwi nk’igihugu kibamo irondaruhu gusa ubundi avugako ibimukorerwa muri Esupanye , atari umupira w’amaguru ahubwo ko ari ibintu bya shampiyona ya La Liga.
Abakinnyi barimo Kylian Mbappe , Neymar Jr , Casemiro , Thibaut Courtois n’umutoza Ancelotte bose bakaba barekanye ko ibyakozwe atari ibintu byo gushyigikira ahubwo bagasabako iyi shampiyona yitwako ari shampiyona ya kabiri kw’isi ikunzwe ko yafatira imyanzuro iki kibazo cy’irondaruhu gikomeje kwiyongera muri iyi shampiyona ya La Liga.