Mu nama ya 16 y’umuryango wa RPF Inkotanyi , umukuru w’igihugu akaba na Chairman w’umuryango wa RPF Inkotanyi , yongeye gutorerwa mpanda y’imyaka itanu ari Chairman w’umuryango wa RPF Inkotanyi atowe ku majwi 99.8%.
Akaba ari amatora yabaye kuri ik’icyumweru tariki 2 Mata 2023 , Perezida Paul Kagame akaba yarongeye gutorwa nka Chairman wa RPF Inkotanyi yungirijwe na Uwimana Consolee mugihe Gasamagera Wellars yotorewe kuba umunyamabanga mukuru wa RPF Inkotanyi.
Amatora yo gutora Komite nshya y’umuryango wa RPF Inkotanyi , akaba ari amatora yakozwe hatangwa umukandida kuri buri mwanya ndetse gutanga umukandida bikorwa kuri buri mwanya wose uretse abakandida 20 batanzwe n’inama nkuru y’urubyiruko ubundi hagatorwamo 10 bagomba guhagarira urubyiruko mu muryango wa RPF Inkotanyi.
Ku mwanya wa Chairman w’umuryango wa RPF Inkotanyi hakaba hariwo Perezida Paul Kagame na Sheikh Abdul Karim Harerimana , Umukuru w’igihugu Perezida Paul Kagame akaba yatowe n’abanyamuryango ibihumbi 2099 bangana n’amajwi 99.8% mugihe Sheikh Abdul Karim Harerimana we yatowe n’abanyamuryango batatu bangana n’amajwi 0.2%.
Bazivamo Christophe warumaze imyaka 21 ari Vice Chairman wa RPF Inkotanyi , yafashe ijambo ubundi yamamazaho Gasamagera wallars maze avugako mu myaka 21 yaramaze kuri uwo mwanya yagize igihe cyo gukorana n’abandi banyamuryango ba RPF Inkotanyi , avugako yabonye Gasamagera wallars ashoboye amutangaho umukandida kuri uwo mwanya.
Inama ya 16 y’umuryango wa RPF Inkotanyi ikaba yarahuriranye no kwizihiza isabukuru y’imyaka 35 ishize umuryango wa RPF Inkotanyi ubayeho ndetse mu rwego rwo kwizihiza iy’isabukuru , uy’umuryango ukaba warateguye inama mpuzamahanga yitabiriwe n’abantu baturutse mu bihugu by’amahanga bitandukanye , yabaye kuwa gatandatu tariki 1 Mata 2023.