Kuri uyu wa kabiri , tariki 7 werurwe 2023 , umutwe wa M23 watangajeko wahagaritse intambara wari uhanganyemo n’igisirikare cya Repabulika iharanira demokarasi ya Congo (FARDC) ariko utangaza ko mugihe waba ugabweho igitero n’ingabo za FARDC ufite uburenganzira bwo kwirwanaho.
Mw’itangazo ryashyizweho umukono n’umuvugizi w’uy’umutwe mu bya Politike , Leorence Kanyuka , rikaba ryasohotse rivugako M23 yafashe umwanzuro wo guhagarika intambara mu rwego rwo gushyira mu bikorwa ibyo uy’umutwe wa M23 wumvikanye na Perezida Joa Lorenco wa Angola mu biganiro bagiranye.
Itangazo kandi rikaba rikomeza rivugako M23 yahagaritse intambara mu rwego rwo gushyira mu bikorwa n’indi myanzuro yategetswe n’abakuru b’ibihugu bya EAC mu nama zabahuje zabereye mu bihugu bitandukanye birimo uburundi , Ethiopia , Angola ndetse na Kenya zose zari zigamije gushakira hamwe umuti w’ikibazo cy’umutekano muke kibarizwa mu burasirazuba bwa Congo.
Umutwe wa M23 , ukaba wasabye abayobozi batandukanye barebwa n’iki kibazo cy’umutekano muke kuri mu burasirazuba bwa Congo kudacika intege muri gahunda bihaye yo gushakira umuti w’iki kibazo cy’umutekano muke kibarizwa mu burasirazuba bwa Congo ndetse n’umutekano w’akarere kibiya bigari muri rusange.
M23 , ikaba yatangajeko irajwe ishinga no gukemura ikibazo cy’umutekano muke kibarizwa mu burasirazuba bwa Congo mu nzira y’amahoro ariko ko nayo ifite uburenganzira bwose bwo kwirwanaho mugihe ingabo za FARDC zaba ziyigabyeho igitero kumwe n’imitwe bafatanyije irimo FDLR ndetse n’abacancuro.
Ni mugihe kandi uy’umutwe wa M23 wavuzeko utazareka kurinda abasivire b’abanye-congo kumwe n’ibyabo mugihe bagikomeje gukorerwa ubwicanyi bwindenga kamere bazira ubwoko bwabo aho ub’ubwicanyi bushobora no kuvamo Jenoside.