Mu cyegeranyo cyakozwe n’umushinga mpuzamahanga k’ubutabera , cyashyize igihugu cy’u Rwanda kumwanya wa mbere ku mugabane wa Africa ndetse no mu karere ka Africa y’iburasirazuba ruherereyemo , nk’igihugu kigendera ku mategeko.
Muri ik’icyegeranyo U Rwanda rukaba rwarashyizwe kumwanya wa 42 kw’isi , bimwe mu byahesheje U Rwanda uy’umwanya ku nshuro ya kabiri hakaba harimo kuba ari igihugu gifite ubuyobozi butihanganira icyaha cya ruswa.
Igihugu gikorera mu mucyo , igihugu cy’ubahiriza uburenganzira bwa muntu , igihugu giharanira umutekano ndetse U Rwanda rukanaba igihugu kigendera ku mategeko , abaturage bakaba baravuzeko bashingiye ku bipimo byagendeweho hakorwa ik’icyegeranyo bemeranya n’abagikoze.
Umuyobozi nshigwabikorwa w’umuryango nyarwanda uharanira iyubahirizwa ry’amategeko John Mudakikwa akaba avugako hari byinshi U Rwanda rwakoze rubihesha uy’umwanya wa mbere muri Africa ndetse no mu karere ruhereyemo.
Ibindi b’ibihugu bya Africa biza hafi kuri ur’urutonde rw’umushinga mpuzamahanga k’ubutabera hakaba harimo ibirwa bya Morrissey biri kumwanya wa 45 kw’isi , igihugu cya Namibia kiza kumwanya wa 46 kw’isi ndetse n’igihugu cya Ghana kiza kumwanya wa 58 kw’isi.
Ik’icyegeranyo cy’umushinga mpuzamahanga k’ubutabera , kikaba gishingiye ku bushakashatsi bwakorewe mu bihugu bigera ku 140 byo kw’isi , hakaba harabajijwe abantu bagera ku bihumbi 150 harimo n’abanyamategeko.
Umuvugizi w’inkiko mu Rwanda , Harrison Mutabazi akaba yaravuzeko hari byinshi igihugu cy’u Rwanda cyakoze bizanaruzamura mu bipimo ngenderwaho hakorwa ik’icyegeranyo , ibihugu biza kw’isonga muri ik’icyegeranyo k’ubutabera cya 2022 hakaba harimo igihugu cya Denmark , Norway ndetse n’igihugu cya Finland.