Igihugu cya Senegal cyabonye itike yo gukina 1/8 kirangiza mu gikombe cy’isi nyuma yo gitsinda igihugu cya Ecuador ibitego (2-1) , ubundi Senegal ikazamuka mwitsinda rya mbere yabarizwagamo ari iya kabiri nyuma y’igihugu cy’ubuhorandi.
Senegal , ikaba ibonye itike ya 1/8 kirangiza , nyuma y’uko iki gihugu cyari cyaratangiye imikino yo mu matsinda gitsindwa n’igihugu cy’ubuhorandi ibitego (2-0) , gusa indi mikino ibiri kikabasha kwitwara neza yose kikayitsinda .
Umukino wa mbere mu matsinda , Senegal ikaba yaratsinzwe n’ubuhorandi (2-0) , umukino wa kabiri Senegal igatsinda Qatar ibitego (3-1) ni mugihe umukino wa nyuma arinaho wa gatatu wahejeshe itike ik’igihugu cya Senegal batsinze Ecuador ibitego (2-1).
Muri uy’umukino Senegal ikaba ariyo yafunguye amazamu ku munota wa 43 , umukinnyi Ismaila Sarr ariwe ugitsinze kuri penalty , umukinnyi wa Ecuador Moises Caicedo azakugombora ku munota wa 67 , ubundi Kalidou Koulibaly ishyiramo igitego cy’itsinzi cya Senegal ku munota wa 70.
Senegal ikaba ibonye itike yo gukomeza muri kimwe cy’umunani nyuma y’uko ik’igihugu gitakaje umukinnyi wacyo Sadio Mane nyuma y’uko yagize imvune mu mukino w’ikipe ya Bayern Munich ubwo bari mu mikino ya nyuma biteguraga igikombe cy’isi cya Qatar 2022.
