Perezida wa federasiyo y’umupira w’amaguru kw’isi FIFA , Gianni Infantino , yashinjije ibibugu by’uburayi ‘ubwiyorobetsi’ mu makuru bitanga y’uko ikiremwa muntu gifatwa muri Qatar mu kiganiro yatanze mbere y’uko imikino y’igikombe cy’isi itangira.
Perezida wa FIFA , Gianni Infantino , Ubwo yakoraga ikiganiro n’itangazamakuru mbere y’uko imikino y’igikombe cy’isi itangira mu rwego rwo kwerekana ishusho y’igikombe cy’isi cya Qatar world cup 2022 ndetse n’uburyo igihugu cya Qatar kiteguye kwakira iy’imikino igihe kumara hafi ukwezi ikinwa.
Perezida Gianni Infantino , akaba yaragarutse kunzira y’umusaraba igihugu cya Qatar cyanyuzemo ngo kibashe kugera ku munsi wa nyuma wo kwakira iy’imikino y’igikombe cy’isi kitayambuwe nkuko byagiye byifuzwa na bimwe mu bihugu byo mu burayi.
Bitewe n’ibirego byo kutubahiriza uburenganzira bwa kiremwa muntu ik’igihugu cya Qatar cyagiye kirengwa n’ibihugu byo mu burayi , mu rugendo rw’imyaka 4 , ik’igihugu cyamaze kiri kwitegura kwakira iy’imikino y’igikombe cy’isi , yatangiye kuri iki cyumweru tariki 20 Ugushyingo 2022.
Perezida Infantino adaciye kuruhande , akaba yaravuzeko bitewe n’ibikorwa bya kinyamaswa byakozwe mu myaka ibihumbi 3,000 ishize n’ibihugu byo mu burayi kw’isi hose , byagakwiye kumara indi myaka ibihumbi 3,000 bisaba imbabazi , mbere y’uko bitanga amasomo kubandi.
Infantino ” duhora dufata amasomo menshi yo mu burayi , mw’isi yo mu burengerazuba bw’isi…. uy’umunsi reka njye mumwanya wa Qatar , Abarabu , Africa , Abahagaritswe , n’impunzi zaje gushaka akazi…hejuru y’ibyo twakoze twebwe nk’abanyaburayi mu myaka ibihumbi 3,000 ishize , kw’isi hose…
twakangombye kuba tumara indi myaka ibihumbi 3,000 dusaba imbabazi z’ibyo twakoze , mbere y’uko dutangira gutanga amasomo menshi ku bandi bantu ” , ibi Infantino akaba yarabivuze bitewe n’uburyo uburayi bwibasiye Qatar kuva byatangazwako kariyo yahahwe kwakira igikombe cy’isi cya 2022.
Perezida Infantino kandi akaba yaranavuze ku kuba ntanzoga zemerewe mu masitade azakira igikombe cy’isi muri Qatar ati ” ntekereje nk’umuntu , nyekako utanyweye inzoga mu gihe cy’amasaha atatu umara muri sitade wabaho ” , ni mugihe ku kibazo cy’abimukira uburayi bushinja Qatar ko ibafata nabi , Infantino yasabyeko niba koko ibyo bihugu bibagiriye impuhwe byaza bikabafata bikajya kubatuza.